«Hetaja praca stamlaje mianie». Mask namiakaje na vychad z administracyi Trampa
U niadaŭnim intervju Fox News amierykanski technamiljarder Iłan Mask vykazaŭ zdahadku, što moža pakinuć pasadu ŭ administracyi Donalda Trampa ŭ kancy maja paśla taho, jak ažyćciavić maštabnaje źnižeńnie deficytu biudžetu ZŠA na tryljon dalaraŭ, piša Bi-bi-si.
Mask zaraz uznačalvaje Departamient efiektyŭnaści ŭrada (DOGE).
Na pytańnie žurnalista, ci zastaniecca jon na pasadzie bolš za 130 dzion, dazvolenych jaho biahučym statusam «śpiecyjalnaha dziaržaŭnaha słužačaha», jon adkazaŭ:
«Dumaju, za hety pieryjad my prarobim bolšuju častku pracy, nieabchodnaj dla skaračeńnia deficytu na tryljon dalaraŭ».
Data zakančeńnia jaho paŭnamoctvaŭ minaje prykładna 30 maja.
Iłan Mask raniej zajaŭlaŭ, što ŭrad ZŠA maje patrebu ŭ radykalnych źmienach. Na jaho dumku, biez hetaha «karabiel pad nazvaj Amieryka patonie».
Prezident Tramp daručyŭ DOGE aptymizavać pracu ŭrada (u pryvatnaści, zvalniajučy «nieefiektyŭnych» čynoŭnikaŭ) i skaracić vydatki. Mask i Tramp abiacali, što DOGE «źniščyć biurakratyju»i» strasianie sistemu».
Departamient admianiŭ šmatlikija inicyjatyvy pa raznastajnaści, spraviadlivaści i inkluziŭnaści (DEI) u fiederalnych ahienctvach. Zakryŭ bolš za 90% hrantaŭ ahienctva pa akazańni źniešniaj dapamohi USAID.
Centralnym elemientam pracy Maska i jaho kamandy stała zvalnieńnie tysiač dziaržaŭnych słužačych, što pryviało da šmatlikich sudovych pazovaŭ i pratestaŭ pa ŭsioj krainie.
Paźniej Tramp abmiežavaŭ paŭnamoctvy Maska i jaho DOGE ŭ pytańniach zvalnieńnia dziaržsłužačych
Abaraniajučy svoj padychod, Mask skazaŭ Fox News: «Jany mohuć nazvać heta «stralboj sa ściahna» (kaŭbojski styl, kali chutkaść važniej dakładnaści), ale heta nie tak. Heta, zrešty, nie značyć, što my nie robim pamyłak».
Raniej u hetym miesiacy Mask zrabiŭ furor, nazvaŭšy prahramy sacyjalnaj dapamohi asnoŭnymi» dla skaračeńnia vydatkaŭ.
Paśla hetaha DOGE nastojvaŭ na vialikich skaračeńniach sacyjalnaha zabieśpiačeńnia, na toj padstavie, što da 40% sacyjalnych vypłat dastajucca ašukancam, jakija nie majuć na ich prava.
Pracu svajoj kamandy jon ličyć revalucyjnaj.
«Heta — revalucyja, mahčyma, samaja vialikaja z tych časoŭ, jak była pieršaja revalucyja. Paśla zaviaršeńnia hetych źmianieńniaŭ Amieryka budzie ŭ značna lepšym stanie, — prakamientavaŭ miljarder. — Heta budzie fantastyčnaja budučynia».
Pa stanie na 27 sakavika DOGE zajaŭlaje na svaim sajcie, što zekanomiła amierykancam 130 miljardaŭ dalaraŭ.
Ciapier čytajuć
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava2
Kamientary
Nahadvaje daručeńni Łukašenki: aby lapnuć, a dalej vykanaŭcy biehajuć i sprabujuć dać spravazdaču pra toje, što mudraja dumka kiraŭnika tolki zrabiła lepš.
Napomniło nievieriatnych evropiejciev, "v śviazi s situacijej v stranie", otsidieašich po 15 sutok, i srazu za buhor prosiť ubiežiŝie.