Minpracy paviedamiła, što niepaŭnaletnija mohuć zarabić ad 726 rubloŭ.
U viedamstvie adznačyli, što ŭ krainie možna pačynać pracavać z 14 hadoŭ. Adnak dla hetaha spatrebicca piśmovaja zhoda adnaho z baćkoŭ. A z 16 hadoŭ rašeńnie ab rabocie niepaŭnaletni moža prymać samastojna.
Razam z tym dla padletkaŭ praduhledžana skaročanaja praciahłaść pracoŭnaha času.
Tak, ad 14 da 16 hadoŭ jana składaje nie bolš za 23 hadziny na tydzień, a padčas kanikuł — nie bolš za 4 hadziny 36 chvilin u dzień. I havorka idzie tolki pra lohkija pracoŭnyja zadačy. Pry hetym z 16 da 18 hadoŭ praciahłaść pracoŭnaha času pavinna być nie bolš za 35 hadzin (7 hadzin padčas kanikuł).
Paviedamlajecca, što padletkaŭ zabaroniena pryciahvać da načnych, zvyšuročnych, a taksama da rabot u śviatočnyja i vychodnyja dni.
«Pamier naličanaj zarabotnaj płaty za poŭnaściu adpracavany miesiac nie pavinien być mienšym za minimalnuju zarabotnuju płatu — 726 rubloŭ», — zajavili ŭ viedamstvie.
Kamientary