Tabletki, praktykavańni ci apieracyja? Ad čaho źjaŭlajecca mižpazvanočnaja hryža i jak jaje lačyć

— Dźmitryj Mikałajevič, hryža i pratruzija — vynik naturalnaha pracesu stareńnia arhanizma?

— Hryžu i pratruziju, u adroźnieńnie ad asteachandrozu, nielha nazvać pracesam naturalnaha stareńnia arhanizma. Pratruzii i hryžy dyskaŭ — heta reakcyja arhanizma, u pryvatnaści pazvanočnika, na zališniuju nahruzku. Hryža mižpazvanočnaha dyska ŭźnikaje ŭ vyniku razryvu fibroznaha kalca, jakoje akružaje pulpoznaje jadro, i rečyva pulpoznaha jadra vychodzić u śpinna-mazhavy kanał. Ad taho, u jakoj pazicyi adbyŭsia razryŭ, zaležyć, ci ŭźniknie simptamatyka. Adnak sam razryŭ supravadžajecca ŭ pieršuju čarhu bolevym adčuvańniem.

Hryža moža raźmiaščacca ŭ šyjnym, hrudnym ci pajaśničnym adździele, adpaviedna tam i prajaŭlajecca simptamatyka i ŭskładnieńni. Asnoŭnuju niebiaśpieku hryža mižpazvanočnaha dyska ŭjaŭlaje tym, što jana moža ŭździejničać na struktury niervovaj tkanki, ściskać niervovy kareńčyk ci sam śpinny mozh.

— Jakija faktary ryzyki ŭźniknieńnia hryžy?

— Heta zaŭsiody kompleks pryčyn. Najčaściej jany ŭźnikajuć u ludziej ź lišniaj vahoj, bo ŭ ich pavialičany cisk na mižpazvanočnyja dyski. U hrupie ryzyki — ludzi ź fizičnaj rabotaj ci vysokaj fizičnaj nahruzkaj, pryčym nie raŭnamiernaj, a epizadyčnaj, a taksama tyja, chto raniej nie mieŭ fizičnaj nahruzki i raptam vyrašyŭ joj zaniacca. Jak i pry lubym zachvorvańni, nielha vyklučać spadčynny faktar, bo peŭnyja asablivaści budovy złučalnaj tkanki taksama majuć upłyŭ.

— Što ŭkazvaje na najaŭnaść hryžy?

— Pieršym asnoŭnym simptomam źjaŭlajecca mocny bol, jaki zaŭsiody supravadžaje razryŭ pulpoznaha kalca. U zaležnaści ad taho, jakaja heta hryža i ŭ jakim miescy znachodzicca, bol budzie łakalizavany ŭ vobłaści pajaśnicy, šyi ci budzie addavać u nahu, jahadzičnuju vobłaść, ruku. Časta, kali hryža akazvaje ŭpłyŭ na strukturu niervovaha kareńčyka, heta supravadžajecca piakučym, ściskalnym bolem u nazie, ruce, zdranćvieńniem toj ci inšaj vobłaści, časam słabaściu, naprykład, u stupni ci ruce, parastezijaj (adčuvańnie poŭzańnia murašak u kaniečnaści).

— Jakija patrebny abśledavańni, kab vyjavić hryžu? Ci rabić najpierš MRT, kali balić pajaśnica?

— U pieršuju čarhu pry źjaŭleńni bolu ŭ śpinie nieabchodna źviarnucca da doktara, a nie biehčy rabić niejkaje dadatkovaje abśledavańnie. Urač, a heta čaściej za ŭsio nieŭrołah ci traŭmatołah, vyznačaje najaŭnaść simptomaŭ i ŭskładnieńniaŭ i nieabchodnaść dalejšaha daabśledavańnia pacyjenta. 

Mietadami vizualizacyi pry vyjaŭleńni hryž mižpazvanočnych dyskaŭ źjaŭlajucca KT i MRT. U płanie dakładnaści i nadziejnaści MRT, što dazvalaje dobra ŭbačyć miakkatkankavyja struktury i kaściavyja ŭtvareńni, maje viadučaje značeńnie.

— Ci možna spravicca z bolem pry hryžy biez apieracyi?

— Pry hryžy mižpazvanočnaha dyska apieryrujecca dastatkova nievialiki pracent pacyjentaŭ. Pakazańniem dla apieratyŭnaha lačeńnia źjaŭlajucca peŭnyja dastatkova dakładnyja ŭmovy, u pryvatnaści stojki bolevy sindrom, jaki pry kansiervatyŭnym lačeńni nie źnikaje. Akramia taho, apieracyju robiać pacyjentam, jakija majuć nieŭrałahičnyja ŭskładnieńni — słabaść, parezy peŭnaj vobłaści, parušeńni ŭ vyhladzie sindromu konskaha chvasta (heta struktura ŭ pajaśničnym adździele), kali jość simptomy ściskańnia struktur śpinnoha mozhu, tak zvanaja mijełapatyja. Adnak u bolšaści vypadkaŭ spravicca z bolem možna kansiervatyŭna.

— Što ŭklučaje takoje lačeńnie? Ci realna pazbavicca bolu z dapamohaj fizičnych praktykavańniaŭ?

— Adnymi fizičnymi praktykavańniami z bolem spravicca składana, choć zdarajecca i takoje. Čaściej za ŭsio lačeńnie hryžy mižpazvanočnych dyskaŭ kompleksnaje: uklučaje farmakałahičnyja preparaty, fizija– i refleksaterapiju, praktykavańni. Što datyčycca apošnich, to pry hryžy ich treba vykonvać, jany majuć dobry efiekt, ale važna rabić ich pravilna i tolki tyja, što pryznačaje instruktar u kankretny pieryjad chvaroby.

— Nakont visieńnia na turniku sustrakajucca supraćlehłyja mierkavańni. Ci varta heta rabić pry bolach u śpinie?

— Boli ŭ śpinie majuć niekalki pryčyn, i hryža mižpazvanočnaha dyska — nie samaja častaja ź ich. Heta mohuć być prablemy z myšcami, kaściova-sustaŭnymi strukturami, i ŭ takich situacyjach visieńnie na turniku prynosić pacyjentu palohku. Ale kali jość hryža z patencyjalnaj pahrozaj uździejańnia na struktury niervovaj tkanki, to visieńnie na turniku i dalejšyja saskokvańnie ź jaho i chadźba mohuć uskładnić situacyju. Tamu jość dastatkova žorstkija abmiežavańni paśla pracedury, u pryvatnaści znachodžańnie ŭ haryzantalnym stanoviščy peŭny pramiežak času, kab nie vyklikać uskładnieńniaŭ. U chatnich umovach heta vykanać składana, a voś u śpiecyjalizavanych ustanovach mahčyma. Važna, kab pacyjentu byli dastupnyja paśla hetaha śpiecyjalnyja vyciažeńni (trakcyi) na trakcyjnym stale i ŭ haryzantalnym stanoviščy.

— Kolki doŭžycca kansiervatyŭnaje lačeńnie? I ci možna pazbavicca ad hryžy?

— Pieryjad lačeńnia zaležyć ad mnohich faktaraŭ: ad pamieraŭ hryžy, jaje raźmiaščeńnia, ad reakcyi arhanizma. U niekatorych pacyjentaŭ vostry bol kupirujecca vielmi chutka, na praciahu dvuch-troch tydniaŭ. U inšych heta moža zaciahnucca na 4—6 miesiacaŭ. Adnak i taki pieryjad nielha nazvać zvyšdoŭhim, asabliva dla ŭskładnienaj hryžy. Taki praces, jak rezorbcyja — źniknieńnie hryžy pad uździejańniem imunnaj sistemy, — jakraz zajmaje da paŭhoda. Časam heta adbyvajecca spantanna, bieź jakoha-niebudź upłyvu, časam treba padklučyć peŭnyja mietodyki, i hryža abo źmianšajecca, abo źnikaje całkam. Ale dla hetaha patrebny čas.

— Ci moža hryža źjavicca znoŭ? Jakaja prafiłaktyka ŭźniknieńnia hryž?

— Tak, hryža moža źjaŭlacca paŭtorna i paśla apieratyŭnaha lačeńnia, i paśla rezorbcyi. Asnoŭny mietad prafiłaktyki — pravilnyja praktykavańni, ich varta vykonvać usio žyćcio. Zdarovyja ludzi taksama pavinny ŭdzialać uvahu adekvatnym fizičnym nahruzkam. Asnova prafiłaktyki — pravilna sfarmiravany myšačny karkas, jaki dapamoža skampiensavać nahruzki i abaronić ad utvareńnia hryžy. Inšych mietadaŭ — farmakałahičnych, fizijaterapieŭtyčnych — na žal, na ciapierašni čas niama.

• 7
• 0
• 1
• 1
• 2
• 3
• 0
• 0