Zapłanavany ŭ Vilni kancert Kryściny Arbakajcie vyklikaŭ abureńnie ŭ sacsietkach. Umiašaŭsia navat premjer krainy
«My viaziom u Litvu «zasłužanych artystaŭ RF» i nie bačym nijakich prablem», heta čarhovaja sproba zarazić našu kulturu «ćvillu ruskaha śvietu» — aburajucca litoŭcy.
Zapłanavany na 31 maja ŭ Vilni kancert rasijskaj śpiavački Kryściny Arbakajcie vyklikaŭ chvalu abureńnia ŭ sacyjalnych sietkach. Karystalniki vykazvajuć niezadavolenaść tym, što ŭ Litvu zaprašajuć artystku, jakaja atrymała zvańnie «zasłužanaj artystki Rasijskaj Fiederacyi» i nie asudziła ahresiju Rasii suprać Ukrainy.
Kryścina Arbakajcie, dačka viadomaj rasijskaj śpiavački Ały Puhačovaj i litoŭskaha artysta cyrka Mikołasa Arbakasa, u 2022 hodzie atrymała litoŭskaje hramadzianstva jak unučka hramadzian Litvy. Adnak jaje dziejnaść paśla pačatku vajny va Ukrainie vyklikaje sprečki.
U kastryčniku 2022 hoda jana vystupała na pryvatnym mierapryjemstvie ŭ Jałcie, a ŭ sakaviku 2024 hoda padaryła 50 biletaŭ na svoj kancert u Sankt-Pieciarburhu siemjam rasijskich vajskoŭcaŭ.
Premjer-ministr Litvy Hintaŭtas Pałuckas vymušany navat byŭ prakamientavać situacyju. Jon zaklikaŭ arhanizataraŭ kancerta zapytać u Arbakajcie pra jaje pazicyju adnosna vajny va Ukrainie i ahučyć adkaz hramadskaści. Premjer padkreśliŭ, što važna viedać, jak artystka stavicca da biahučych padziej, asabliva ŭličvajučy jaje raniejšyja suviazi z rasijskimi ŭładami.
Ekśpiert pa abaronie i biaśpiecy Aŭrymas Navis u kamientary LRT adznačyŭ, što praviadzieńnie takich kancertaŭ moža być častkaj infarmacyjnych i psichałahičnych apieracyj Kramla, nakiravanych na raspaŭsiudžvańnie «ruskaha śvietu» i ŭpłyŭ na kulturu inšych krain. Jon ličyć, što heta sproba pakazać Litvu jak častku rasijskaj kulturnaj prastory, što moža mieć niehatyŭnyja nastupstvy dla nacyjanalnaj biaśpieki.
Arhanizatary kancerta pakul nie dali aficyjnych kamientaryjaŭ adnosna situacyi.
Łukašenka: U 2020 hodzie kala Pałaca Niezaležnaści nie pakistancy biehali20
Kamientary
[Zredahavana]