Aŭtar filma «Čužoje nieba», źniataha padmanam: Padbor hierojaŭ — heta naša prafiesijnaja tajamnica
Supracoŭnik BT Alaksiej Martynionak, jaki źniaŭ film pra «nialohkuju dolu biełarusaŭ za miažoj», adpraviŭsia ŭ tur pa biełaruskich univiersitetach.
Sustreču z aŭtarami prapahandysckaha filma «Čužoje nieba» arhanizavali dla studentaŭ Hrodzienskaha dziaržaŭnaha ŭniviersiteta. U joj udzielničali režysior filma Alaksiej Martynionak, ministr adukacyi Andrej Ivaniec, a taksama hałoŭnaja hierainia filma Julija Brykina-Barysava.
Martynionak zajaviŭ, što jahony film pavinny pahladzieć usie maładyja biełarusy, piša «SB».
«Hety film varta pahladzieć usim, ale ŭ pieršuju čarhu maładym ludziam i studentam. Paśla padziej 2020 hoda vyrasła novaje pakaleńnie, jakoje tyja padziei zakranuli pa datyčnaj. Jany ŭ mnohich vypadkach nie pabačyli i nie zrazumieli tych nastupstvaŭ, hłybiniu i maštaby padziej. Ale i tym, chto niepasredna sutyknuŭsia z realijami, budzie karysna daviedacca, da čaho mohuć pryvieści emocyi, jakija zachlisnuli hramadstva», — zajaviŭ prapahandyst BT.
Ad adkazu na pytańnie pra vybar hierojaŭ filma Martynionak ścipła ŭchiliŭsia.
«Padbor hierojaŭ — heta naša prafiesijnaja tajamnica, adnak mahu skazać, što daloka nie ŭsie ŭvajšli ŭ ramki adnaho filma», — adznačyŭ Martynionak.
Nasamreč, usie hieroi «Čužoha nieba», akramia Brykinaj-Barysavaj, trapili ŭ film padmanam. Da ich źviarnulisia ludzi nibyta ad Ofisa Śviatłany Cichanoŭskaj i paprasili zapisać apaviadańnie pra prablemy, ź jakimi ludzi sutykajucca ŭ emihracyi. Hierojaŭ zapeŭnivali, što hetyja intervju zapisvajucca dla taho, kab donary vydzielili finansavuju dapamohu ludziam, jakija akazalisia ŭ składanaj situacyi. Jak vyśvietliłasia, ludziej žorstka padmanuli: ich intervju mantavali dla filma na BT.
U Biełarusi zdymali intervju tolki z Brykinaj-Barysavaj. Jana emihravała ź siamjoj u 2022 hodzie — paśla taho jak jaje mužu Stanisłavu Brykinu pačaŭ pahražać palityčny kryminalny pieraśled. Narešcie Julija ŭziała dziaciej i viarnułasia ŭ Biełaruś, a jaje muž skončyŭ žyćcio samahubstvam.
Brykinu-Barysavu zaprasili vystupić na zakrytaj premjery filma ŭ staličnym kinateatry. A ciapier jana ŭ składzie aŭtarskaj hrupy «Čužoha nieba» jeździć pa Biełarusi i raskazvaje pra žachi žyćcia za miažoj. Martynionak abiacaje, što hastroli pa krainie praciahnucca.
Prapahandyst ANT Alaksandraŭ razyhraŭ scenku svajoj razmovy z emihrantami, ale heta akazałasia chłuśnioj
Voś chto toj «režysior», jaki padmanam stvaryŭ film pra vilenskuju i biełastockuju emihracyju
Muž hałoŭnaj hieraini prapahandysckaha filma BT skončyŭ žyćcio samahubstvam
«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT
Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli
Ciapier čytajuć
Čamu Cichanoŭskaja nie pajechała na pachavańnie Papy?10
Kamientary