Z adpaviednaj prapanovaj da haradskich uładaŭ źviarnulisia navukoŭcy z centru «VIT».
Hrodna – adzin z samych pryhožych i bahatych na histaryčnyja pomniki haradoŭ Biełarusi. Adnosna niadaŭna heta zrazumieli navat haradskija ŭłady i pačali ŭsimi sposabami zavablivać u karaleŭski horad turystaŭ.Była raspracavanaja navat admysłovaja prahrama «Spadčyna», skiravanaja na pavieličeńnie kolkaści infarmacyjnych materyjałaŭ ab Hrodna. Što praŭda, ci nie adzinym zaŭvažnym jaje vynikam stała źjaŭleńnie niekalkich vialikich mapaŭ horada na ścienach budynkaŭ, na katorych byli paznačanyja najbolš cikavyja abjekty.
U suviazi z hetym navukoŭcy z centru «VIT» źviarnulisia z kompleksam prapanovaŭ da staršyni hrodzienskaha harvykankama Barysa Kaziałkova.
Navukoŭcy prapanujuć prostyja i efiektyŭnyja novaŭviadzieńni. U pryvatnaści – ustalavać infarmacyjnyja šyldy la cikavych architekturnych pomnikaŭ, na miescy byłych płoščaŭ i vulic. Siarod prapanovaŭ taksama ideja ŭstalavać u niekatorych miescach Hrodna stendy z vyjavami hraviur Napaleona Ordy takim čynam, kab haradžanie i turysty mahli paraŭnać sučasny horad z Hrodna XIX st.
Natalla Śliž, adna z aŭtaraŭ prajekta, raspaviała «NN» ab pryčynach jaho paŭstańnia. «Ja šmat padarožničaju. Byvaju ŭ samych roznych miaścinach. Niejak u Vilni, špacyrujučy pa Starym Horadzie, zaŭvažyła infarmacyjnyja stendy la cikavych budynkaŭ. Tam pa-litoŭsku i pa-anhlijsku była apisanaja historyja budynka i jaho kulturnaje i mastackaje značeńnie.
Tady padumałasia, što heta vielmi zručna dla čałavieka, jaki pryjechaŭ u horad pa słužbovych spravach. Možna prosta pašpacyravać, pačytać šyldy i šmat daviedacca nie zamaŭlajučy admysłovaj ekskursii. U Hrodna vialikaja kolkaść cikavych budynkaŭ, jon bahaty na takija rečy.»
Haradziency nie płanujuć abmiažoŭvacca infarmacyjnymi šyldami. N.Śliž paviedamiła taksama ab płanach stvareńnia ŭ Hrodna tematyčnych maršrutaŭ.
«Hetyja idei pavinny być cikavymi dla kiraŭnictva horada. Jany efiektyŭnyja i nie patrabujuć vialikich kapitałaŭkładańniaŭ.My hatovyja navat paspryjać u vyrašeńni finansavych pytańniaŭ z dapamohaj mižnarodnych kulturnickich arhanizacyj. Samaje važnaje, što ŭstalavaŭšy prostyja infarmacyjnyja stendy sa starymi fotazdymkami i vyjavami horada možna budzie paspryjać adnaŭleńniu histaryčnaj pamiaci ŭ haradžan. Heta vielmi važna».
Zaraz haradzienskija navukoŭcy čakajuć na adkaz kiraŭnika harvykankamu. Jon pavinien pryjści na praciahu miesiaca.
-
Na ŭnikalny zadyjakalny koŭš pretendavali i litoŭcy, i rasijanie. A jon akazaŭsia ź biełaruskaha Słaŭharada
-
«Bulbianyja» — jaki brend zahubili! Voś što tam hatavali i što ŭspaminali pra ich Uładzimir Vysocki i staršynia KDB
-
«Prodki vadzili siabroŭstva sa Skirmuntam». Biełarus skłaŭ radavod, jaki ŭžo naličvaje 1900 čałaviek — jak u jaho atrymałasia?
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki21
Kamientary