Abjomnaja kniha na 750 staronak źmiaščaje niekalki sieryj narysaŭ partretaŭ nacyjanalnych dziejačaŭ i palitykaŭ.
Akurat na Dzień Voli ŭ vydaviectvie «Łohvinaŭ» vyjšaŭ zbor tvoraŭ Arsienia Lisa «Gloria victis!».Abjomnaja kniha na 750 staronak źmiaščaje niekalki sieryj narysaŭ partretaŭ nacyjanalnych dziejačaŭ i palitykaŭ, što stvarali biełaruskuju dziaržaŭnaść napačatku minułaha stahodździa.
U knizie možna znajści artykuły, karotkija manahrafii i narysy, pryśviečanyja žyćciu ludziej, što raspracoŭvali nacyjanalnuju biełaruskuju kancepcyju – Alaksandra Ŭłasava, Branisłava Taraškieviča, Arkadzia Smoliča, Tamaša Hryba, i šmatlikich nšych. Aŭtar nie abmiežavaŭsia historykami, palitykami i piśmieńnikami. «Gloria victis!» – kniha taksama i pra mastakoŭ dy biełaruskuju litaraturu ŭ Polščy. U pryvatnaści, čytač moža znajści tut artykuły ab losach Maksima Tanka, Jazepa Drazdoviča, Paŭła Južyka.
«Heta kniha ab našaj źniščanaj intelihiencyi, trahiedyi našaj nacyi. Dajučy takuju nazvu knizie, ja addaju naležnaje tym ludziam» – adznačyŭ Arsień Lis.
Arsień Lis naradziŭsia 4 lutaha 1934 h. u vioscy Vietchava, Maładziečanskaha pavietu Vilenskaha vajavodstva. U 1956 h. skončyŭ filiłahičny fakultet BDU, ad leta 1957 h. pracavaŭ redaktaram u «Mastackaj litaratury». Vosieńniu 1959 h. Arsień Lis pačaŭ pracavać u Instytucie mastactvaznaŭstva, etnahrafii i falkłoru AN Biełarusi. Abaraniŭ doktarskuju dysiertacyju. U 1986 h. staŭ łaŭreatam Dziaržaŭnaj premii.
Arsień Lis źjaŭlajecca aŭtaram šmatlikich encykłapiedyčnych artykułaŭ, vydańniaŭ pra vučonych i mastakoŭ, a taksama manahrafij na temu kalandarna-abradavaha falkłoru Biełarusi. Udzielničaŭ u napisańni scenaraŭ dakumientalnych filmaŭ pra M.Hareckaha, M.Doŭnar-Zapolskaha, A.Smoliča, B.Taraškieviča i inšych.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary