U Paryžy pačaŭsia sud nad «dziadami-hrabiežnikami», jakija amal dziesiacihodździe tamu abrabavali Kim Kardašjan
Zorku realici-šou Kim Kardašjan abrabavali nočču 3 kastryčnika 2016 hoda ŭ paryžskim hateli Hôtel de Pourtalès, dzie złačyncy, pieraapranutyja ŭ palicejskich, źviazali jaje i zabrali kaštoŭnaści na sumu kala 10 miljonaŭ dołaraŭ, uklučajučy zaručalnaje kalco ad Kańje Uesta, nahadvaje Bi-bi-si.
Abvinavačanych u presie prazvali «dziadami-hrabiežnikami», bo bolšaści ź ich užo za 60 hadoŭ. Ahułam pa spravie prachodzić 12 čałaviek, ale adzin pamior, a inšaha mohuć vyzvalić ad udziełu ŭ pracesie praz demiencyju. Piaciora abvinavačvajucca ŭ samim rabavańni, astatnija — u saŭdziele.
Asnoŭny abvinavačany — 68-hadovy Aamar Ait Kiedaš, viadomy jak «Stary Amar». Jahonaje DNK znajšli na miescy złačynstva. Kiedaš pryznaŭ, što źviazvaŭ Kardašjan, ale śćviardžaje, što nie byŭ arhanizataram, a dziejničaŭ pa instrukcyjach «infarmatara», blizkaha da zorki.
Jašče adzin abvinavačany — 71-hadovy Junis Abas, jaki padčas rabavańnia dziažuryŭ u faje. Paźniej jon napisaŭ knihu pra złačynstva i pryznaŭsia, što płanavaŭ zrabić heta svajoj «apošniaj spravaj» pierad vychadam na piensiju. Tolki Kiedaš i Abas pryznali vinu, astatnija jaje admaŭlajuć.
Palicyja vyjaviła, što złačyncy atrymlivali infarmacyju pra Kardašjan praz sacsietki i, mahčyma, ad znajomych jaje kiroŭcy. Samo rabavańnie było nie vielmi prafiesijnym: złačyncy ŭciakali pieššu i na ravarach, adna z sumak ź juvielirnymi vyrabami ŭpała i ź jaje vypała kalje z bryljantami, jakoje adno tolki i viarnuli haspadyni. Bolšaść ža ŭpryhožańniaŭ byli pierapłaŭlenyja i pradadzienyja.
Kim Kardašjan budzie śviedčyć u sudzie 13 maja. Paśla taho zdareńnia jana kazała, što pieražyła mocny strach i pierahledzieła svajo staŭleńnie da bahaćcia i publičnaści.
Žan-Kłod Van Dam pieradaŭ «pacałunak Pucinu» na fonie abvinavačvańniaŭ u seksualnych złačynstvach
«Ja schapiŭ jaje za ściohny, kab nie paśliznucca». U Paryžy idzie sudovy praces nad Žeraram Depardjo pa abvinavačvańni ŭ seksualnym hvałcie
Bred Pit i Andželina Džoli narešcie raźvialisia paśla vaśmi hadoŭ sudoŭ
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary