Robiert De Nira pra hiendarny pierachod dački: Ja lublu jaje hetak ža, jak lubiŭ jaho
Halivudski akcior Robiert De Nira zajaviŭ, što padtrymaŭ svajho syna Aarona, jaki źmianiŭ hiendarnuju identyčnaść i staŭ žančynaj Ejryn.
U niadaŭnim intervju dla vydańnia Them, pryśviečanamu ŁHBTK+, Ejryn De Nira raskazała pra «ŭstupleńnie ŭ novuju identyčnaść», piša Bi-bi-si.
Znakamity baćka Ejryn skazaŭ u kamientary Variety:
«Ja lubiŭ i padtrymlivaŭ Aarona jak syna, a ciapier ja lublu i padtrymlivaju Ejryn jak dačku».
«Nie viedaju, što tut takoha, — dadaŭ jon. — Ja lublu ŭsich svaich dziaciej».
29-hadovaja dačka zorki filma «Dobryja chłopcy» raskazała, što pačała hiendarny pierachod letaś.
Ejryn, dačka De Nira i Tuki Śmit, kazała, što akciorka Łaviern Koks stała dla jaje natchnieńniem, i ciapier jana spadziajecca dapamahčy pašyryć bačnaść transhiendarnych ludziej.
Što da dośviedu być adnoj ź siami dziaciej De Nira, jana skazała: «Nie isnuje idealnych baćkoŭ, ale ja ŭdziačnaja, što maje baćki abaranili mianie ad praźmiernaj publičnaści».
«Jany skazali, što chočuć, kab u mianie było jak maha bolej zvyčajnaje dziacinstva».
U Vialikabrytanii apošnim časam razharelisia sprečki vakoł pravoŭ transhiendarnych žančyn paśla taho, jak Viarchoŭny sud adnahałosna pastanaviŭ, što, zhodna z zakonam ab roŭnaści, žančyna vyznačajecca pavodle bijałahičnaha połu.
Ciapier adzinaja sudździa Vialikabrytanii, jakaja publična zajaviła pra svaju transhiendarnaść, płanuje padać pazoŭ u Jeŭrapiejski sud za pravy čałavieka suprać hetaha rašeńnia, jakoje, na jaje dumku, parušaje jaje pravy.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?2
Kamientary
Parušeńni mohuć padzialacca na:
1. Congenital Adrenal Hyperplasia (CAH) – pryrodžanaja hipierpłazija nadnyračnikaŭ
2. Androgen Insensitivity Syndrome (AIS) – sindrom niečullivaści da androhienaŭ
3. 5-alpha-reductase deficiency – deficyt 5-alfa-reduktazy
4. Ovotesticular DSD – ovatestykularny stan (raniej nazyvali «sapraŭdny hiermafradytyzm»)
5. Mixed Gonadal Dysgenesis – źmiešanaja honadnavaja dyspłazija
6. Complete Gonadal Dysgenesis – poŭnaja honadnavaja dyspłazija
7. Turner Syndrome (45,X) – sindrom Terniera
8. Klinefelter Syndrome (47,XXY) – sindrom Klajnfieltera
9. Mosaic DSD (naprykład, 45,X/46,XY) – mazaičnyja formy DSD
10. 17-beta-hydroxysteroid dehydrogenase deficiency – deficyt
17-beta-hidraksisteroid-dehidrahienazy
11. Persistent Müllerian Duct Syndrome (PMDS) – sindrom piersistencyi miulleryjevych pratokaŭ
12. Swyer Syndrome – 46,XY honadnavaja dyspłazija z žanočym fienatypam
Usio inšaje, heta psichičnyja adchileńni.