Kitaj stanie druhim rynkam Volvo — abviaściła ŭčora kitajskaja kampanija Geely paśla padpisańnia kantraktu na nabyćcio šviedskaha aŭtavytvorcy. Kantrakt byŭ padpisany ŭ druhoj pałovie dnia ŭ niadzielu ŭ štab‑kvatery Volvo ŭ Hioteborhu.
Za Volvo amierykancy atrymajuć 1,8 młrd dalaraŭ. Papiaredniaje pahadnieńnie ab prodažy Volvo amierykancy padpisali z kitajcami jašče ŭ śniežni minułaha hodu, ale da hetaha času ŭzhadniali košty i inšyja momanty kantraktu.
Kitajcy padpisali kantrakt z adnoj z samych viadomych aŭtamabilnych kampanij u śviecie, vytvorcam prestyžnych aŭtamabilaŭ, viadomym jakaściu, biaśpiekaj i inavacyjnymi technałohijami.
U minułym hodzie kampanija Geely vypuściła 330 tysiač aŭtamabilaŭ — nie našmat mienš, čym zavody Volvo. Z nabyćciom šviedskaj firmy kitajskaja kampanija adrazu padvoić vypusk.
Čalcy rady dyrektaraŭ Volvo niekalki dzion tamu jašče byli suprać prodažu kitajskaj kampanii, ale ŭ subotu źmianili svajo mierkavańnie i padpisali pahadnieńnie. Pryčyny źmieny rašeńnia nie ahałošvajucca.
Pradstaŭnik Geely skazaŭ, što jany chočuć zachavać zavody Volvo ŭ Šviecyi i Bielhii. Ale dalejšaje raźvićcio šviedskaha brendu budzie skiravanaje na zabiaśpiečańnie novaha zavodu ŭ Kitai, jaki budzie vypuskać da 300 tysiač aŭtamabilaŭ na hod. Stolki aŭtamabilaŭ Volvo było pradadziena ŭ minułym hodzie za miežami Šviecyi.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary