«Savuškaŭ pradukt» trapiŭ pad chvalu krytyki za paŭpustyja ŭpakoŭki
Biełarus paskardziŭsia ŭ TikTok na niedavahu tvarožnaj pasty ad «Savuškavaha praduktu». Vytvorca paprasiŭ prabačeńnia, ale akazałasia, što heta daloka nie adzinkavy vypadak, piša vydańnie BGmedia.
19 krasavika ŭ tyktoku źjaviłasia videa, dzie hrodzieniec skardzicca na niedavahu tvarožnaj pasty «Apieci płambir» ad «Savuškavaha praduktu». U kadry — paŭpustaja ŭpakoŭka, a na vahach — usiaho 76 hramaŭ pry zajaŭlenych 100.
Aŭtar śćviardžaje: «Adkryli — zasumniavalisia. Pravieryli zapiačatanuju — tam i ŭvohule 66 hram».
«Savuškaŭ pradukt» padmanvaje nasielnictva», — paskardziŭsia aŭtar rolika.
Videa chutka raźlaciełasia pa sacsietkach i vyklikała burnuju reakcyju. Adnak užo praz try dni mužčyna paviedamiŭ: vytvorca adreahavaŭ i dasłaŭ cełuju skrynku ŭźbitaha tvarahu.
«Heta byŭ techničny zboj. Kampanija pryniesła prabačeńni», — paviedamiŭ aŭtar novaha videa.
Karystalniki tyktoku adreahavali na «prabačeńni» ad vytvorcy pa-roznamu. Chtości pachvaliŭ kampaniju za chutkuju reakcyju i hatoŭnaść pryznać pamyłku, inšyja ž uspryniali «kampiensacyju» ź ironijaj.
«Vypłakaŭ skrynku tvarahu».
«Kali pryžmuryli — tady padaryli».
«Ščodry padarunak, choć by nie zbankrutavali».
«Małajcy, kali ŭmiejuć pryznavać pamyłki — heta vialikaha varta».
«Małajcy, što pryznali. Tolki ci prybrali hetuju partyju z pryłaŭkaŭ?»
Ale, vidać, «techničny zboj» na vytvorčaści ŭ «Savuškavaha praduktu» — sprava zvykłaja, tamu što zusim niadaŭna ŭ tyktoku źjaviłasia anałahičnaje videa. Hetym razam — ad biełaruski, jakaja taksama vyjaviła niedavahu ŭ tvarahu z truskaŭkaj. I, pa jaje słovach, heta adbyvajecca ŭžo nie pieršy raz.
«Vielmi lublu pradukcyju hetaha brenda, ale ciapier heta ŭsio vychodzić za ramki majho razumieńnia, tut niama navat pałovy słoička. Zajaŭlenaja vaha — 120 hramaŭ, a sapraŭdnaja — 96 hramaŭ, — aburajecca aŭtarka rolika. — Pavažany «Savuškaŭ pradukt», nie turbujciesia vy za našy fihury. Padavajcie, kali łaska, tuju kolkaść praduktu, jakaja zajaŭlenaja. A kolki nam źjeści — my sami vyrašym».
U kamientarach pad videa pačali ŭspłyvać padobnyja vypadki.
«Ja tak syr tvarožny kupiła, navat im na sajt pisała z dadavańniem usich fota. Prosta praihnaravali i ŭsio! Tak niepryjemna stała. I heta nie pieršy vypadak taki».
«Učora tak kupili, usie čatyry ŭpakoŭki byli nie poŭnyja!!! Bolš nie budziem kuplać… Darma vykinutyja hrošy».
«Savuškaŭ» ziarniony tvaroh učora adkryła, zapoŭnieny na dźvie traciny. Ja časta jaho kuplała, tamu adrazu roźnicu zaŭvažyła».
«Kapiec, ja dumała što ja adna heta zaŭvažyła, ale dumała, što zdałosia, ale vychodzić, što i praŭda, nie dakładvajuć((( Moj šok u šoku».
«Heta ŭžo nie ŭpieršyniu. Ja navat telefanavała na pradpryjemstva, ale ničoha nie źmianiłasia».
Niekatoryja karystalniki zastupilisia za brend, nahadvajučy, što zboi na vytvorčaści zdarajucca va ŭsich, a kožnuju ŭpakoŭku ŭručnuju nie pravieryš.
«Tut etykietka navat źjechała, mabyć, niejki kasiak u hetaj partyi byŭ».
«Upieršyniu takoje baču. Mnie zdajecca, u ich zboj na vytvorčaści».
«Ja taksama kuplaju pradukcyju «Savuškaŭ» i mnie zaŭsiody traplajucca poŭnyja».
«Heta vielmi redkaja situacyja. Upakoŭki ŭručnuju nichto nie napaŭniaje. U techniki taksama byvajuć zboi, jak i ŭsiudy. Kožnuju ŭpakoŭku nie ŭzvažyš. U cełym vydatnyja johurty, tvaražki».
Adnak inšyja zadajucca pytańniem: dzie kantrol jakaści?
«Pišuć ludzi: kasiaki vytvorčaści. Ale jość kantrol ci jak?»
«Jak z płastylinu». Biełaruska paskardziłasia na śmiatanu ad «Savuškavaha»
Z palic kramaŭ źnik papularny tvaroh ad «Savuškavaha»
«Kolki palitviaźniaŭ vyzvaliŭ Mašenski?!» Piatruchin biŭsia suprać usioj Kaardynacyjnaj rady, ale pieramohu tak i nie zdabyŭ
Chalezin: Mašenski — talenavity biznesmien, za košt hetaha žyvie ceły rehijon
«Savuškaŭ pradukt» abjaviŭ pra rebrendynh
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Eti v osnovnom diesiertnyje i to vkus tak siebie.