Učora pa praśpiektach Niezaležnaści i Pieramožcaŭ byli raźviešanyja ściahi Dziaržavy Katar. Ale nijakaj infarmacyi adnosna vizitaŭ niama.
Učora pa praśpiektach Niezaležnaści i Pieramožcaŭ byli raźviešanyja ściahi Dziaržavy Katar. Zvyčajna nacyjanalnyja pałotniščy ŭ Minsku vyviešvajuć, kali ŭ krainu pryjazdžaje niejki vysoki dziaržaŭny čynoŭnik z‑za miažy.
Na hety ž raz nijakaj infarmacyi, što Biełaruś naviedvaje katarskaja delehacyja nie było. U pres‑słužbach Łukašenki i Ministerstva zamiežnych spravaŭ infarmacyi adnosna vizita nie majuć.
U kastryčniku Minsk z pryvatnym vizitam naviedvaŭ kron‑prync Katara šejch Tamima bien Chamada al‑Tani. Ale pra jahonuju sustreču z Łukašenkam dziaržaŭnyja ŚMI paviedamili.
U krasaviku Biełaruś naviedvaŭ i šejch Katara — adzin z najbahaciejšych manarchaŭ śvietu. Tady Łukašenka zaprasiŭ katarski biźnies da supracoŭnictva ŭ roznych śfierach, u tym liku i inviestycyjnaj. Biełaruski kiraŭnik byvaŭ u Katary ŭ 2001 hodzie.
Biełaruś i Katar aktyŭna supracoŭničajuć u vajskova‑techničnaj śfiery. Katar źjaŭlajecca trecim (paśla Rasii i Irana) najbujniejšym u śviecie eksparcioram pryrodnaha hazu i bujnym eksparcioram nafty i naftapraduktaŭ; uvachodzić u Arhanizacyju krain — eksparcioraŭ nafty.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary