Pa minskim vakzale chodzić mužčyna sa stosam hrošaj u rukach, ale prosić hrošy na kvitok
Schiema «dajcie hrošaj na prajezd» praciahvaje abkatvacca roznymi piersanažami. Dźmitryj zapadozryŭ, što sutyknuŭsia jakraz z takim sieryjnym źbiralnikam hrošaj na bilety — toj prosić 10—20 rubloŭ, ale nikudy nie źjazdžaje, piša Onliner.by.
Dźmitryj kaža, što zaŭvažaje mužčynu kala čyhunačnaha vakzała ŭ Minsku ŭžo treci raz. Toj trymaje ŭ rukach stos hrošaj i paralelna prosić dapamahčy ź biletami ŭ Rasiju — dla hetaha treba 10—20 rubloŭ.
Historyja ŭ rajonie vakzała z hrašyma na bilet mahła b być pierakanaŭčaj, ale Dźmitryju jana padałasia padazronaj.
— Kali ja jamu skazaŭ, što jon padychodzić treci raz, i papiaredziŭ, što heta sposab machlarstva, jon skazaŭ, što heta sprava kožnaha — davać hrošy ci nie davać, jon juryst i viedaje zakony. Paprasiŭ nie kryŭdavać, kali jašče raz padydzie kali-niebudź.
Pavodle słoŭ zborščyka, u jaho doŭh i jamu treba viarnuć $30 000 — inšych padrabiaznaściej pra jaho Dźmitryj nie viedaje, ale jon paličyŭ takija zbory sumniŭnymi.
— Byvaje, kamu sapraŭdy nie chapaje, ale heta treci raz situacyja ź im. Škada ludziej, jakija zarablajuć i addajuć prosta tak hrošy. Heta možna nazvać pa zakonie machlarstvam, kali heta adbyvajecca nie pieršy raz? — zadajecca pytańniem Dźmitryj.
Ci sapraŭdy mužčyna nie źbirajecca viartać hrošy? Takich dokazaŭ niama, ale anałahičnych historyj chapaje.
Nahadajem: kab uklučyłasia kryminalnaja adkaznaść, kali čałaviek uziaŭ hrošy «na bilet» i nie viartaje, u fizasoby pavinna być skradziena bolš za dźvie bazavyja vieličyni (84 rubli). Kali dźvie bazavyja i mienš — administratyŭka (štraf ad 2 da 30 bazavych, hramadskija raboty, aryšt da 15 sutak).
Ciapier čytajuć
Palitviazień raskazaŭ, jak zvyčajnyja kryminalniki abjavili haładoŭku, kab palepšyć umovy ŭtrymańnia palityčnych3
Kamientary