Chto takaja Darja Kadamskaja? Muzyka i rok-paetka , raźmiaścić jakuju chočacca pobač z Taniaj Biełanohaj. U 2007 hodzie — uładalnica Hran-Pry na «Bardaŭskaj vosieni». Liderka hurtu"Och. Ra», što hraje, jak vyrašyli sami jaho ŭdzielniki, u styli «etna-bluz» . Dziaŭčyna, što śpiavaje hołasam hłybokim, nizkim i śpieła-žanočym .
Fota Mikałaja Kuksačova.
Słuchajučy Darku, pryhadvaješ Kasiu Kamockuju. I nie dziva, bo zachaplałasia jana spadaryniaj Kasiaj. A jašče słuchała N.R.M., The Beatles, «Akvarium»… A akramia muzyki… Darja pracavała sanitarkaj u «Navinkach» i maryła stać dziciačym psichijataram. Vučyłasia na relihijaznaŭcu, a ciapier pracuje mastakom pa kieramicy ŭ manastyry.
Kadamskaja piša vieršy, u jakich kachańnie, pošuk Boha i ludzi z dyjahnazam «šyzafrenija». Piša vyklučna
— Ja vučyłasia ŭ Licei BDU na fiłołaha, i tam nas vychoŭvali ŭ patryjatyčnym duchu. My adčuvali, što ad nas tak šmat zaležyć, što my tak šmat zrobim! Tady i pačynali pisacca hetyja śpievy.
— Chto słuchač hurtu «Och. Ra»?
— Našy siabry, siabry siabroŭ, studenty, ludzi ad 15 da 30, chacia jość i starejšyja. Mnie zdajecca, što naša muzyka takaja, što niama abmiežavańniaŭ va ŭzroście.
— Što, na tvoj pohlad, ujaŭlaje ź siabie małady biełaruski rok?
— Zaraz biełaruski rok — niešta asabistaje. Heta ŭžo nie hramadskaja dziejnaść, jak raniej, a niešta takoje dla dušy.
— Jakoje jano, tvajo pakaleńnie?
— Naša pakaleńnie, mnie zdajecca, asabliva ničoha źmianić nie moža. My bolš zajmajemsia takimi spravami, jak tusoŭki, prosta łovim kajf ad žyćcia.
— Jak dumaješ, čym vy roźniciesia z Taniaj Biełanohaj?
— Ja krychu maładziejšaja za jaje, Ale, što cikava, my pačynali amal adnačasova. Ja pamiataju fiestyval «Zialony kryž» . I tam była Tania Biełanohaja. Ja ździviłasia, bo nasamreč my niešta padobnaje robim. Ale Tania bolš praniźlivaja. I navat pa hołasie heta zaŭvažna. Moža, u jaje bolš mocny, bolš rezki hołas, jaki prabiraje. U mianie krychu bolš nizki i miakki, i teksty adroźnivajucca, u jaje bolš hramadzianskaj liryki.
Adzin prychilnik hurta «Och. Ra» napisaŭ niadaŭna u Internecie: «Vaša muzyka ŭvodzić u sałodki miełanchaličny trans». Ciapier jany — dźvie akustyčnyja hitary, vijałančel, flejta,
