«I nie daj Boža — sa zbrojaj u rukach».
«I nie daj Boža — sa zbrojaj u rukach».
«Niezaležnaść — samaje darahoje i śviatoje, što moža być u čałavieka. Davajcie bierahčy našu ziamlu, zachoŭvać i prymnažać jaje bahaćci», — zajaviŭ 4 krasavika Alaksandr Łukašenka padčas naviedvańnia minskaha Śviata‑Duchavaha kafiedralnaha sabora.
Jak paviedamiła jahonaja pres‑słužba, kiraŭnik dziaržavy pavinšavaŭ usich chryścijan ź Vialikadniem. Pavodle słoŭ Łukašenki, jon nie tolki jak prezident, ale i prosta jak hramadzianin pryjšoŭ vykazać udziačnaść carkvie, śviataram za tuju pracu, jakuju jany pryŭnosiać u žyćcio hramadstva.
«Dla taho kab pradstaŭniki roznych kanfiesij mahli spakojna vyznačać svoj los, nam patrebna svaja ziamla, svaja dziaržava,— miarkuje Łukašenka. — Nam treba abaraniać hetuju ziamlu. I nie daj Boža — sa zbrojaj u rukach».
Źviartajučysia da ŭsich prysutnych u carkvie, Łukašenka zaŭvažyŭ, što »siońnia ŭsie prychadžanie vyhladajuć niekalki pa‑inšamu, čym u minułyja hady». «U vas u vačach śviatło nadziei. I navat nie prosta nadziei, a ŭpeŭnienaści ŭ tym, što zaŭtra budzie jašče lepš.
Ja ŭpeŭnieny, što tak jano i budzie. Ja budu rabić usio, kab vam było lahčej i lepš», — zajaviŭ prezident.
Kiraŭnik dziaržavy ličyć simvaličnym, što sioleta Vialikdzień adznačajuć u adzin dzień pradstaŭniki troch chryścijanskich kanfiesij. »My całkam zdolnyja žyć u družbie i miry», — padkreśliŭ Łukašenka.
Prezident adznačyŭ vialiki ŭniosak mitrapalita Minskaha i Słuckaha Fiłareta, patryjaršaha ekzarcha ŭsiaje Biełarusi ŭ dasiahnieńnie mižkanfiesijnaha miru ŭ krainie. Jak paviedamlaje pres‑słužba, nahadvajučy paŭtaradziesiacihadovuju pracu ź Fiłaretam, Łukašenka zaznačyŭ, što za hety čas u ich nikoli nie było supiarečnaściej. «Uładyka zaŭsiody byŭ karektny, akuratny ŭ vykazvańniach i ŭčynkach. Vielmi chaciełasia b, kab Haspodź pasyłaŭ nam tolki takich słužycielaŭ carkvy», — skazaŭ kiraŭnik dziaržavy.
Prezident jašče raz pavinšavaŭ mitrapalita Fiłareta ź jubilejem i vykazaŭ udziačnaść jamu «za ŭsio toje dobraje, što jon zrabiŭ dla biełaruskaha naroda».
Łukašenka i Fiłaret abmianialisia vielikodnymi darami. U pryvatnaści, paviedamlaje pres‑słužba,
prezident pieradaŭ kiraŭniku Biełaruskaj pravasłaŭnaj carkvy vielikodnaje jajka, stvoranaje va ŭnikalnaj technicy sožskaj skani, raspracavanaj biełaruskim majstram Uładzimiram Cakunovym. Vyšynia jajka pryblizna 50 sm. Unutry raźmieščana minijaciurnaja skulptura prapadobnaj Jefrasińni Połackaj, pa bakach — dva raznyja miedaljony z vyjavami śviatoha roŭnaapostalnaha Kiryła i praviednaha Fiłareta Miłaścivaha. Viančaje jajka razny kupał, stylizavany pad mitru.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary