Samyja papularnyja sposaby dapamohi — telefanavańni na numary dabračynnych akcyj i kidańnie hrošaj u skryni dla achviaravańniaŭ u handlovych centrach.
Niahledziačy na ekanamičny kryzis i masavyja zvalnieńni, bolšaja častka žycharoŭ Łatvii znachodzić srodki na dabračynnaść: jak śviedčać dadzienyja apytańnia centra SKDS, 80% łatvijcaŭ na praciahu apošniaha hoda achviaravali hrošy. Najbolš raspaŭsiudžanymi sposabami dapamohi apynulisia kidańni hrošaj u skryni dla achviaravańniaŭ u handlovych centrach, a taksama telefanavańni na numary dabračynnych akcyj.
Nabyćciu tavaraŭ, častka srodkaŭ ad prodažu jakich idzie na dabračynnaść, addavali pieravahu 27% žycharoŭ. U svaju čarhu 23% akazvali finansavuju dapamohu asabista znajomym ludziam, jakija trapili ŭ ciažkuju situacyju. Jašče prykładna kožny piaty respandent adznačyŭ, što achviaravaŭ ježu ci vopratku. Tolki 12% apytanych pryznalisia, što pieraličvali hrošy na dabračynnyja rachunki, a 8% prymali ŭdzieł u kulturnych mierapryjemstvach, srodki ad jakich vykarystoŭvajucca dla dapamohi małamajomasnym.
U apytańni SKDS nie zadavałasia pytańnie pra toje, kolki žycharoŭ achviarujuć na vulicach biazdomnym i žabrakam ludziam, jakich tak šmat u haradach Łatvii.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny30
Kamientary