U staražytnaj Vilni — nie aby jakaja padzieja. Haŭbiec u pałacy Tyškievičaŭ znoŭ trymajuć dva atlanty, jakich vilenčuki zdaŭna nazyvajuć "bałvanami", a sam pałac — "domam pad bałvanami".
U biełaruskuju historyju hety budynak uvajšoŭ samymi słynnymi imionami. Tut naprykancy XIX st. časta byvaŭ vilenski advakat Francišak Bahuševič, jaki siabravaŭ z Zyhmundam Nahrodzkim. Nahrodzki, u svaju čarhu, handlavaŭ sielskahaspadarčymi mašynami i mieŭ u pałacy Tyškievičaŭ składy. Na pačatku XX st jon davaŭ hrošy na vydańnie pieršaj biełaruskaj hazety "Naša niva", a paźniej i sama redakcyja "NN" raźmiaściłasia ŭ "domie pad bałvanami".
Siońnia ŭ hetym budynku na skryžavańni Zavalnaj i Trockaj mieścicca architekturny fakultet Vilenskaha techničnaha universytetu. Hod tamu ŭ adnaho z atlantaŭ urezaŭsia na mašynie niećviarozy Markas Z. Paśla hetaha zamiest skulptury doŭhi čas stajaŭ draŭlany słup. Vinavaty spłaciŭ za avaryju kala tysiačy dalaraŭ i jašče bolš za 10 tysiač — za novuju skulpturu.
Symbalična, što "bałvan" viarnuŭsia na svajo miesca akurat napiaredadni 100-hadovaha jubileju "Našaj Nivy".
Fota ketrzyn.mm.pl
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)