Janukovič i Kačyński złučać Ukrainu i Polšču truboj

Naftapravod Adesa–Brody ŭsio ž budzie padoŭžany da Płocku. Polšča i Ŭkraina chočuć, kab prajekt prafinansavała Eŭrakamisija.

Premjer Jarasłaŭ Kačyński jasna zajaviŭ, što Polšča zacikaŭlenaja padaŭžeńniem da Płocku trubapravodu Adesa–Brody. Ukrainski kiraŭnik uradu Viktar Janukovič padtrymaŭ zadumu paśla razmovaŭ z Kačyńskim.

Tak raspačaŭsia XVI Ekanamičny forum u Krynicy – miesca sustrečy biznesu, palityki i niaŭradavych arhanizacyjaŭ, što nazyvajuć polskim Davosam. Kurort zapoŭniŭsia ekanamistami, uradoŭcami, achoŭnikami i žurnalistami.

Truba, pra budaŭnictva jakoj damaŭlajucca premjery Polščy i Ŭkrainy, musiła była b pierapraŭlać, miž inšym, kaśpijskuju naftu z Kazachstanu i Azerbajdžanu. Kiraŭnik polskaha ŭradu pavinien vieści havorku pra hetuju investycyju padčas svajho vizytu ŭ ZŠA.

Premjer Viktar Janukovič paćvierdziŭ, što jon zacikaŭleny ŭ polska-ŭkrainskim supracoŭnictvie ŭ sfery transpartavańnia kaśpijskaj nafty ŭ Płock. Padčas presavaj kanferencyi jon taksama nahadaŭ, što infrastruktura, nieabchodnaja dla pierapraŭki nafty, na ŭkrainskim baku ŭžo jość. Nieabchodna jašče zbudavać polskuju nitku.

Adkul my voźmiem hrošy na budaŭnictva hetaj truby?

Premjer Kačyński abviaściŭ, što srodki, nieabchodnyja dla padaŭžeńnia trubapravodu, pojduć z Eŭraźviazu. Dla hetaj mety ŭ 2007–2013 hh. mahli b znajścisia hrošy ŭ prahramie «Infrastruktura i asiarodździe», ale rašeńnie, ci pojduć 400 młn eŭra na enerhietyčnyja investycyi, prymie Eŭrapiejskaja kamisija, a nia naš urad. «Investycyja ŭ trubapravod trapiła ŭ śpis najvažniejšych dla prahramy prajektaŭ. Patrabavańnie pra ŭklučeńnie jaho ŭ hety śpis vykazała Ministerstva Ekanomiki, – tłumačyć Hražyna Hensicka, ministar rehijanalnaha raźvićcia. – Prajekty z asnoŭnaha śpisu nia ŭdzielničajuć u konkursach na srodki EZ, bo jany atrymoŭvajuć ich aŭtamatyčna. Adnak toje, ci buduć hrošy pryznačanyja, zaležaćmie ad Eŭrakamisii, jakaja zrobić acenku našych asnoŭnych prajektaŭ. Pakul što ciažka prahnazavać, jakim moža być rašeńnie Kamisii», – dadaje ministar Hensicka.

Hrošy na raźmiaščeńnie trubapravodu z Ukrainy da Płocku mahli b taksama pachodzić z Eŭrapiejskaha investycyjnaha banku. Jašče niadaŭna hety bank ab'viaščaŭ, što hatovy kredytavać kapitałaŭkładańnie.

«Była pryviedzienaja ŭ ruch mižnarodnaja polska-ŭkrainskaja kamisija, na praciahu miesiaca jana źbiarecca na svajo pieršaje pasiedžańnie, kab padrychtavać sustreču premjeraŭ u listapadzie. Heta vielmi surjozny krok napierad, – śćviardžaje ministar ekanomiki Piotar Voźniak. – U suviazi z zajavami premjera, ja akurat idu na sustreču z zamiežnymi partnerami», – kazaŭ Voźniak u Krynicy. Jon nie schacieŭ patłumačyć, z kim vieścimie pieramovy, a ŭ jakaści adnoj z najbolšych pahrozaŭ polskaha naftavaha sektara jon nazvaŭ, miž inšym, stratu naftavych krynicaŭ. «My baimsia, što prajhrajem honku za radoviščami. Ale tut treba być aściarožnym u pryniaćci rašeńniaŭ», – kamentavaŭ jon.

Taksama i Pavał Alachnovič, kiraŭnik «Łotasu», nie zachacieŭ naŭprost kamentavać zajavy premjeraŭ.

«Čym bolš krynicaŭ pastavak, tym lepš. Vyhladaje na toje, što ŭkrainski bok surjozna zaanhažavaŭsia ŭ spravie, i hety prajekt maje dobryja šancy na pośpiech», – skazaŭ jon.

• 0
• 0
• 0
• 0
• 0
• 0
• 0
• 0