U lipieni hetaha hoda kolkaść pradadzienych novych aŭtamabilaŭ u paraŭnańni z červieniem vyrasła na 15,4% i skłała 4346 mašyn. Jak paviedamili ŭ aŭtamabilnaj asacyjacyi BAA, na rost paŭpłyvali aktyŭnyja markietynhavyja kampanii dyleraŭ.
Jak adznačyŭ Dźmitryj Jarota, dyrektar UP «BAA-Kansałt», taki vynik staŭ druhim pa vieličyni ŭ hetym hodzie. Papiaredni rekord byŭ zafiksavany ŭ lutym — 4598 novych lehkavych aŭto.
Admietna, što 55% ahulnaha abjomu prodažaŭ prypadaje na ajčynny aŭtapram. Zavod «BIEŁDŽY» ŭ lipieni realizavaŭ 2395 svaich aŭto. Pry hetym 22,3% rynku zaniaŭ krasovier Belgee X70. Jon staŭ absalutnym lidaram.
U toj ža čas prodažy ŭ lipieni 2025 hoda ŭ paraŭnańni ź lipieniem 2024-ha skaracilisia na 1,8%. Taksama ŭ asacyjacyi adznačajuć tendencyju skaračeńnia madelnaha šerahu: za piać miesiacaŭ kolkaść dastupnych pakupnikam madelaŭ skaraciłasia z 64 da 56.
Pavodle słoŭ Dźmitryja Jaroty, siehmient elektramabilaŭ i paśladoŭnych hibrydaŭ (NEV) skłaŭ 14,8% ad ahulnaha abjomu prodažaŭ. Tut lidaram staŭ Dongfeng BOX — 301 pradadzieny aŭtamabil. Pryčym dola paśladoŭnych hibrydaŭ skaraciłasia z 60% u pačatku hoda da 22% u lipieni. Heta, na dumku śpiecyjalista, śviedčyć ab tym, što pakupniki ciapier pieraaryjentavalisia na całkam elektryčnyja madeli.
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary