Eks-kiraŭnik Kyrhyzstana Kurmanbiek Bakijeŭ na samalocie vylecieŭ z Kazachstana ŭ Biełaruś, paviedamiła abaznanaja krynica.
Prykładna ŭ hety čas (paśla 9-j) jon mieŭsia pryziamlicca ŭ Biełarusi, paviedamiła hetaja krynica ahienctvu Interfaks-Kazachstan, zaznačaje hazieta.ru.
U administracyi Łukašenki i ŭ słužbie kaardynacyi palotaŭ Nacyjanalnaha aeraportu "Minsk" hetuju infarmacyju nie paćviardžajuć, dadaje Radyjo Svaboda.
11:46
Paźniej inšaja krynica abvierhła infarmacyju, što Bakijeŭ pakidaŭ Kazachstan. Jon praciahvaje zastavacca ŭ kazachskim Tarazie, skazała krynica Interfaksu.
***
Infarmacyja pra toje, što eks-kiraŭniku Kyrhyzstana Bakijevu Minsk prapanoŭvaŭ palityčny prytułak źjaviłasia ŭ čaćvier, ale tady Bakijeŭ zajaviŭ, što jon admoviŭsia ad takoj prapanovy.
U toj ža dzień zrynuty kiraŭnik dziaržavy pakinuŭ Kyrhyzstan i vylecieŭ u Kazachstan, u horad Taraz, dzie zajaviŭ pra składańnie ź siabie paŭnamoctvaŭ kiraŭnika Kyrhyzstana.
