Пра гэта паведаміла абазнаная крыніца ў Казахстане.
Экс-кіраўнік Кыргызстана Курманбек Бакіеў на самалёце вылецеў з Казахстана ў Беларусь, паведаміла абазнаная крыніца.
Прыкладна ў гэты час (пасля 9-й) ён меўся прызямліцца ў Беларусі, паведаміла гэтая крыніца агенцтву Інтэрфакс-Казахстан, зазначае газета.ру.
У адміністрацыі Лукашэнкі і ў службе каардынацыі палётаў Нацыянальнага аэрапорту "Мінск" гэтую інфармацыю не пацвярджаюць, дадае Радыё Свабода.
11:46
Пазней іншая крыніца абвергла інфармацыю, што Бакіеў пакідаў Казахстан. Ён працягвае заставацца ў казахскім Таразе, сказала крыніца Інтэрфаксу.
***
Інфармацыя пра тое, што экс-кіраўніку Кыргызстана Бакіеву Мінск прапаноўваў палітычны прытулак з'явілася ў чацвер, але тады Бакіеў заявіў, што ён адмовіўся ад такой прапановы.
У той жа дзень зрынуты кіраўнік дзяржавы пакінуў Кыргызстан і вылецеў у Казахстан, у горад Тараз, дзе заявіў пра складанне з сябе паўнамоцтваў кіраўніка Кыргызстана.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС17
Каментары