«Biełaruskuju, hetaksama jak i ŭkrainskiu versiju pieśni «Viasna», my vyrašyli zapisać admysłova dla słuchačoŭ susiednich krainaŭ. Dziela hetaha my doŭha pracavali nad vymaŭleńniem - i voś narešcie vyjšła toje, što vyjšła», - kaža vakalistka hurtu ź Biškieku (Kyrhyzstan) «Horod 312» Aja.
Pres-ataše hurtu Julija Konturava tłumačyć, što «Viasna» hurt vyrašyŭ zapisać dla biełaruskaj versii svajho albomu «Vnie zony dostupa»: «My vyrašyli, što tym, chto budzie nabyvać dysk na terytoryi vašaj krainy, budzie cikava pačuć i pieśniu na biełaruskaj movie ad nas». Aja - vakalistka hurtu, jaki moža atrymać sioleta šerah uznaharodaŭ na prestyžnaj premii MTV Russia Music Awards 2006 (lepšy hurt, adkryćcio hodu, lepšy rok-prajekt, artyst hodu, pieśnia hodu, rynhton hodu) apaviadaje, što pryjšłosia papracavać nad vymaŭleńniem, bo raniej jana ź biełaruskaj movaj nie sutykałasia: «Ale my byli starannymi vučniami!», - kaža jana.
Pavodle Tuzina Hitoŭ
