Biełaruskaja čyhunka pradaje vahony, jakimi raniej absłuhoŭvalisia maršruty ŭ Jeŭropu
Biełaruskaja čyhunka vystaŭlaje na aŭkcyjon šeść pasažyrskich vahonaŭ mižnarodnaha standartu RIC. Hetyja vahony raniej absłuhoŭvali maršruty ŭ Polšču, Niderłandy i Šviejcaryju, ale ciapier stali niepatrebnyja, piša Blizko.by.
RIC-vahony — heta jeŭrapiejski standart, uviedzieny jašče ŭ 1922 hodzie dla vahonaŭ, jakija mahli b kursiravać pa čyhunkach roznych krain. Vahony adpaviadajuć ahulnym patrabavańniam i tamu mohuć svabodna pieramiaščacca pamiž dziaržavami.
Usie šeść vahonaŭ, jakija naležać Biełaruskaj čyhuncy, byli pabudavanyja ŭ Polščy na zavodzie H.Cegielski u Poznani, a techničnaje absłuhoŭvańnie taksama pravodziłasia tam. Pieršyja dva takija vahony madeli Z1-305Ad2 trapili na bałans BČ jašče ŭ 2008 hodzie.
Asnoŭnaja roźnica hetych vahonaŭ u tym, što jany raźličanyja na jeŭrapiejskuju kalainu 1435 mm (u Biełarusi i Rasii vykarystoŭvajecca bolš šyrokaja — 1520 mm). Tamu jany krychu mienšyja za zvyčajnyja biełaruskija vahony.
U kupe — try miescy dla siadzieńnia, a na noč raskładajucca try palicy adna nad adnoj. Heta mienš zručna, čym u zvykłych dla Biełarusi «amiendorfaŭskich» kupe ź dźviuma palicami. Vahony roznych madelaŭ adroźnivajucca niaznačna. Usie infarmacyjnyja tablički ŭnutry nadrukavanyja na čatyroch movach: ruskaj, niamieckaj, francuzskaj i italjanskaj.
Častka vahonaŭ pradajecca z kamplektam vuzkakalejnych i šyrokakalejnych kołaŭ, a častka — tolki biez vuzkakalejnych. Pradaje ich Minski vahonny ŭčastak Biełaruskaj čyhunki.
Samaja nizkaja startavaja cana adnaho vahona — 1,404 miljona rubloŭ, samaja vysokaja — 2,94 miljona rubloŭ. Krok pavyšeńnia staŭki — 5%. Pakupnik pavinien taksama zapłacić arhanizataru aŭkcyjonu ŭznaharodžańnie ŭ 2% i kala 350 rubloŭ dadatkovych vydatkaŭ.
U vyniku samy darahi vahon moža abyścisia pieramožcu tarhoŭ minimum u 3,149 miljona rubloŭ, heta prykładna 1,04 miljona dalaraŭ ZŠA pa kursie Nacbanka.
Aŭkcyjon pryznačany na 3 kastryčnika 2025 hoda, pačatak ab 11-j hadzinie.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6363
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie63
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary