Vital Rymašeŭski vystupaje na «Čarnobylskim šlachu».
— Staršynia Centravybarkamu Lidzija Jarmošyna ŭžo zajaviła, što nijakich źmienaŭ u vybarčaje zakanadaŭstva nia budzie da praviadzieńnia prezydenckich vybaraŭ. A da tych samych vybaraŭ zastalisia miesiacy, faktyčna. Što zrabić, kab taja ž schiema z vybarami, bieskantrolnymi vybarami, z adsutnaściu mahčymaściaŭ naziralnikaŭ nazirać za padlikam hałasoŭ, kab hetaja schiema nie paŭtaryłasia na prezydenckich vybarach?
— Dla taho, kab pieramahčy na prezydenckich vybarach, nam patrebny adziny kandydat ad pravacentryskich, praeŭrapiejskich siłaŭ. Kali taki kandydat budzie, kali vakoł jaho abjadnajucca ŭsie najbolš bujnyja apazycyjnyja siły, kali jon znojdzie padtrymku ŭ hramadztvie bolš za 50 pracentaŭ, tady ŭładam budzie składana dakazać, što vybary byli nie sfalsyfikavanyja. Ale zrešty, falsyfikavać vybary ŭsio roŭna buduć. Adzin šaniec źmianić niešta ŭ hetaj krainie – adstojvać svaju pieramohu. I my budziem na heta pracavać na prezydenckich vybarach. Mocnaja kampanija, mahčymaść mabilizavać ludziej, prostych ludziej, mahčymaść zaklikać ludziej pryjści padtrymać pieramohu, heta adzinaje, što moža źmianić sytuacyju na bližejšych prezydenckich vybarach. My nie čakajem taho, što ŭłada pojdzie na niejkija sastupki pry padliku hałasoŭ.
— Vy havorycie pra adzinaha kandydata ad niezaležnickich pravacentryskich słaŭ, a kali pavinien być hety kandydat, bo vybary mohuć adbycca pry kancy hetaha hodu. Zastajucca miesiacy...
— Hety kandydat musiŭ źjavicca jašče ŭčora, i BCHD namahańni prykłała, kab hety kandydat byŭ. Ale my doŭha čakać nia budziem. U Biełaruskim niezaležnickim bloku vyznačanyja terminy -- heta 1 červienia i 15 červienia. Da 1 červienia vyznačajem praceduru, 15 červienia pačynajecca vyłučeńnie adzinaha kandydata. Kali niechta nia budzie hatovy, my pojdziem dalej. Kandydat ad BCHD užo jość. Biełaruskaja chryścijanskaj demakratyja realna i ćviaroza aceńvaje svaje siły, ale my hatovy brać adkaznaść na siabie ŭ hetaj krainie, ŭ tym liku i na prezydenckich vybarach. Kali navat usie astatnija admoviacca, jak naprykład było z Čarnobylskim šlacham, kali arhanizataram i ruchajučaj siłaj stała BCHD i Małady front tolki, ale, jak vy bačycie, atrymałasia nia horš, čym kali heta arhanizoŭvali ŭsie razam astatnija palityčnyja siły letaś. Toje samaje mahčyma adbudziecca na prezydenckich vybarach.
— Vy, jak ja razumieju, i jość toj samy kandydat ad BCHD, adzin z mahčymych...
— Ad BCHD ja adziny kandydat.
— Toj mahčymy adziny kandydat, faktyčna ad BNB, vy hatovyja iści na vybary, hatovyja zmahacca da pieramohi, kali tak atrymacca, što nie ŭdasca damovicca z astatnimi palityčnymi siłami?
— Kali b ja nie byŭ hatovy, ja b nie davaŭ svaju zhodu na vyłučeńnie ad BCHD. Tak, ja hatovy iści na vybary, hatovy iści da kanca, hatovy ryzykavać . Zrešty, my heta ŭžo i robim. Ja ŭsio ž spadziajusia. što damoŭlenaść dasiahnuta budzie, i nia tolki arhanizacyi, jakija ŭvachodziać u Biełarusi niezaležnicki blok, ale i inšyja arhanizacyi, blizkija nam pa palityčnym pierakanańniam, dałučacca da vyłučeńnia adzinaha kandydata. U samym horšym vypadku, kali hetaha nie zdarycca, to my budziem iści dalej samastojna, jak Biełaruskaja chryścijanskaja demakratyja. I ja prykładu ŭsie namahańni, kab pieramahčy.
