Heta adbyłosia paśla taho, jak hienprakuror Ryhor Vasilevič admoviŭsia padaŭžać termin utrymańnia svajoj padnačalenaj pad vartaj.
Pavodle nieaficyjnaj infarmacyi, Kamitet dziaržaŭnaj biaśpieki raspačaŭ jašče adnu kryminalnuju spravu ŭ dačynieńni da staršaha śledčaha pa asabliva važnych spravach Hienieralnaj prakuratury Biełarusi Śviatłany Bajkovaj. Pavodle źviestak BiełaPAN, heta adbyłosia paśla taho, jak hienprakuror Ryhor Vasilevič admoviŭsia padaŭžać termin utrymańnia svajoj padnačalenaj pad vartaj paśla zakančeńnia dvuch miesiacaŭ z momantu jaje zatrymańnia. Pa jakim artykule raspačata sprava, pakul nieviadoma.
Ci adpaviadaje hetaja infarmacyi sapraŭdnaści, u Kamitecie dziaržbiaśpieki nie kažuć. «Biez kamientaroŭ», — zajaviŭ načalnik centra infarmacyi i hramadskich suviaziej KDB Alaksandr Antanovič. A pa zakanadaŭstvie tolki hetaje viedamstva moža kamientavać spravu, jakuju rasśleduje.
Nahadajem, Śviatłana Bajkova była zatrymana supracoŭnikami KDB 25 lutaha. Joj inkryminujecca niekalki sastavaŭ złačynstvaŭ, u tym liku pieravyšeńnie ŭłady.
3 sakavika hienprakuror zajaviŭ žurnalistam, što ŭ jaho niama infarmacyi ab karyślivych ci majomasnych niezakonnych dziejańniach padnačalenych. Pry hetym jon dapuściŭ, što Bajkova mahła ŭčynić niejkija parušeńni pracesualnaha charaktaru.
Paźniej stała viadoma, što hienprakuror sprabavaŭ u sudzie Centralnaha rajona Minska abskardzić rašeńnie ab uziaćci Bajkovaj pad vartu, adnak sud pahadziŭsia z vysnovami KDB, a nie Ryhora Vasileviča.
Ciapier čytajuć
Tur abiacaje kampramat na tych, chto praz tyktok skardzicca na ŭłady18
Kamientary