Šarahoviec, pryzvany ŭ studzieni 2010 hoda na słužbu va Uzbrojenyja siły Respubliki Biełaruś, padčas spartyŭna‑masavych mierapryjemstvaŭ, jakija pravodzilisia ŭ vajskovaj častcy 25 krasavika, raptoŭna pamior.
Vajskoviec čatyry miesiacy tamu byŭ pryzvany Staradarožskim rajonnym vajennym kamisaryjatam i prachodziŭ słužbu ŭ 307‑j asobnaj čyhunačnaj bryhadzie, jakaja bazujecca ŭ Słucku (Minskaja vobłaść).
Padčas biehu na karotkija dystancyi — stamietroŭki — šarahoviec adčuŭ siabie drenna i straciŭ prytomnaść. Vajennyja miedyki, jakija prybyli na miesca zdareńnia, kanstatavali śmierć sałdata.
Na siońniašni dzień pa fakcie śmierci šarahoŭca pryznačana sudova‑miedycynskaja ekśpiertyza.
Słuckaja mižrajonnaja vajennaja prakuratura pravodzić pravierku, pad čas jakoj asablivaja ŭvaha nadajecca analizu pracy miedycynskaj kamisii Staradarožskaha RVK, jakuju chłopiec prachodziŭ pierad adpraŭkaj u vojska.
0
0
0
0
0
0
