U 2016‑m žychary Viciebskaj vobłaści znajšli pad chlavom trup. Praź dzieviać hadoŭ vyličyli i zabojcu
U Haradku ŭdałosia ŭstanavić abstaviny daŭniaha złačynstva, ślady jakoha vyjavili jašče ŭ 2016 hodzie.
Tady miascovyja žychary paviedamili ŭ milicyju, što padčas znosu staroha chlava na svaim učastku znajšli pad padłohaj čałaviečyja pareštki.
Praviedzienaja ekśpiertyza vyznačyła, što zahinuły — miascovy žychar 1966 hoda naradžeńnia, jaki z 2009 hoda ličyŭsia źnikłym bieź viestak. 9 hadoŭ tamu rasśledavańnie nie dazvoliła vyjści na śled złačyncy, ale spravu praciahvali prapracoŭvać.
U kastryčniku hetaha hoda śledčyja atrymali infarmacyju ab mahčymym miescaznachodžańni padazravanaha — 60‑hadovaha znajomaha zahinułaha, jaki žyŭ u Rasii. Mužčynu zatrymali.
Na dopycie jon pryznaŭsia, što ŭ vieraśni 2008 hoda razam z pryjacielem užyvaŭ ałkahol, zatym pamiž imi adbyŭsia kanflikt. Padčas svarki jon niekalki razoŭ udaryŭ siabra rukami i padručnymi pradmietami. Zrazumieŭšy, što toj pamior, jon zakapaŭ cieła pad pabudovaj i źjechaŭ z krainy.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu3
Kamientary