Šviedski muzykant i videabłohier Macijas Kranc staŭ pieršym u śviecie čałaviekam, jaki zdoleŭ navučyć svajho vaśminoha hulać na pijanina. Na treniroŭki jon patraciŭ niekalki miesiacaŭ i sotni hadzin, pierš čym jaho hadavaniec pa mianušcy Taka syhraŭ miełodyju Baby Shark — chacia i nie zusim traplaŭ u rytm. Videa z hetym ekśpierymientam sabrała ŭžo bolš za šeść miljonaŭ prahladaŭ, piša The Washington Post.
Macijas Kranc nabyŭ vaśminoha na partuhalskaj rybnaj fiermie, faktyčna vyratavaŭšy žyviolinu ad traplańnia na abiedzienny stoł. Jon nazvaŭ jaho Takajaki (jak smažanyja šaryki ź miasam vaśminoha), skaraciŭšy mianušku da Taka, i abiacaŭ, što zrobić ź jaho «najlepšaha muzyku ŭ mory».
Spačatku vaśminoh pasialiŭsia ŭ vialikim akvaryumie na 400 litraŭ, dzie ŭ pieršyja dni chavaŭsia i nie jeŭ. Ale chutka asvoiŭsia. Pieršym zadańniem dla jaho było adkryć šklany słoik ź ježaj — i Taka spraviŭsia za try dni.
Paśla hetaha Kranc nadrukavaŭ na 3D-pryntary kłavišu, za dotyk da jakoj vaśminoh atrymlivaŭ pačastunak. Ź ciaham času muzyka sabraŭ padvodny instrumient z 15 kłaviš, ale vaśminoh doŭha prosta siadzieŭ na im, nie prajaŭlajučy nijakaj cikavaści.
Muzyka sprabavaŭ matyvavać hadavanca roznymi sposabami: staviŭ padvodny dynamik, nanosiŭ na kłavišy simvały i navat naleplivaŭ vyjavy krabaŭ. Ale lepš za ŭsio spracavaŭ ruch — kali Kranc ciahnuŭ rybałoŭnuju losku i prymušaŭ kłavišy kałychacca, Taka pačynaŭ naciskać ich.
Tak vaśminoh navučyŭsia hrać dźvie noty zapar, a potym i dźvie kłavišy adnačasova. Praŭda, chutka prahres spyniŭsia: Taka pačaŭ chapać instrumient, pyrskać vadoj i navat sprabavaŭ uciakać z akvaryuma.
Pierałomny momant nastupiŭ, kali Kranc prydumaŭ «krabavy lift» — prazrystuju trubu z krabam, jaki apuskaŭsia, kali vaśminoh naciskaŭ pravilnuju kłavišu. Heta rezka pavysiła matyvacyju Taka: praź niekalki tydniaŭ jon naciskaŭ pa 7—8 kłaviš, kab atrymać pačastunak. U žniŭni Kranc pačaŭ hrać akordy na hitary i paralelna dapamahać vaśminohu traplać pa patrebnych notach — atrymlivalisia svojeasablivyja «duety».
Navučycca stabilna vykonvać miełodyi Taka tak i nie zmoh — jon prosta reahavaŭ na stymuły, a bijołahi tłumačać, što vaśminohi nie ŭsprymajuć rytm i robiać dziejańni tolki dziela ježy. Ale, niahledziačy na ciažkaści, muzyka pryznajecca, što vielmi pryviazaŭsia da svajho niezvyčajnaha «vučnia» i pakinuŭ jaho sabie jak chatniaha ŭlubionca.
Ciapier vaśminohu kala 14 miesiacaŭ, bolšuju častku času jon adpačyvaje, ale ŭsio jašče «hraje» na pijanina prykładna raz na dva dni. Kranc kaža, što da hetaha času nie moža pavieryć, što zajmajecca muzykaj razam z vaśminoham.
Navukoŭcy pakazali VIDEA, jak vaśminoh katajecca na samaj chutkaj u śviecie akule
Ad Antarktydy adkałoŭsia vielizarny ajśbierh. Navukoŭcaŭ uraziła, što akazałasia pad im
Kiraŭnik IT-kampanii Fibery zavioŭ zachaplalny kanał pra vaśminohaŭ. Meta — kab ich mienš jeli
Pahladzicie fota ŭpieršyniu vyjaŭlenaha hłybakavodnaha vaśminoha i jaho čaroŭnych inšapłanietnych dziaciej
Ciapier čytajuć
U Varšavu pryjechała sotnia biełaruskich palitviaźniaŭ10
Kamientary
Ja połahaju,vsie poniali - o kom rieċ.
A na pianino ihrajet nyniešnij rukovoditiel odnoj sosiedniej strany,nie chužie ośminoha. Virtuoz!
jon moža škadavaŭ, što nie trapiŭ na abiedzienny stoł... heta niejkija katavańni