Pa spravie ab pažary na Minskim zavodzie vyličalnaj techniki zatrymany zvarščyk i majstar pradpryjemstva. Pra heta paviedamili ŭ adździele infarmacyi i hramadskich suviaziej HUUS Minharvykankama.
11 maja ŭ Minsku pry tušeńni pažaru ŭ składskim pamiaškańni AAT »MZVT» (vuł. Prytyckaha, 62/1) zahinuli čatyry supracoŭniki ŭpraŭleńnia MNS, jašče čatyry — špitalizavanyja. Ahniom paškodžana majomaść na ahulnuju sumu kala 623 młn. rubloŭ (krychu mienš za 18 tys. bazavych vieličyń, h.zn. u asabliva bujnym pamiery). Śledčym adździełam papiaredniaha rasśledavańnia Frunzienskaha RUUS Minska raspačata kryminalnaja sprava pa č.3 art.304 KK (parušeńnie praviłaŭ pažarnaj biaśpieki).
Pavodle viersii śledstva,
47‑hadovy rabočy (jon prajšoŭ adpaviednuju padrychtoŭku, pravierku viedaŭ, atrymaŭ paśviedčańnie i tałon ab prachodžańni pažarna‑techničnaha minimumu) pa ŭkazańni niepasrednaha kiraŭnika — 28‑hadovaha majstra — pry vytvorčaści hazazvaračnych ramontnych rabot u składskim pamiaškańni pradpryjemstva parušyŭ Praviły pažarnaj biaśpieki.
Na asnovie najaŭnych źviestak śledstva miarkuje, što padčas pracy jon nie vykonvaŭ miery biaśpieki, a paśla zakančeńnia ŭvažliva nie ahledzieŭ miesca praviadzieńnia rabot i nie likvidavaŭ vyjaŭlenyja parušeńni. Mienavita hetaja nieaściarožnaść, miarkujuć śledčyja, i stała pryčynaj ŭźniknieńnia pažaru ŭ składskim pamiaškańni.
Z ulikam vykładzienaha śledčy Frunzienskaha RUUS vynies pastanovu ab raspačynańni kryminalnaj spravy ŭ dačynieńni da zhadanych asob i pryniaćci jaje da vytvorčaści. Zaraz jany zatrymanyja i źmieščanyja ŭ izalatar časovaha ŭtrymańnia HUUS Minharvykankama. Razam z tym, zaraz adpracoŭvajucca i inšyja viersii zdareńnia. Kančatkovaja pryčyna taho, što zdaryłasia, budzie viadomaja paśla atrymańnia vynikaŭ pažarna‑techničnaj ekśpiertyzy.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary