Na pažary ŭ Minsku zahinuli 4 supracoŭniki MNS + fota
Hareła schovišča hatovaj pradukcyi Minskaha zavoda vyličalnaj techniki. Płošča pažaru — 200 kvadratnych mietraŭ.
Čatyry supracoŭniki Ministerstva pa nadzvyčajnych situacyjach zahinuli padčas likvidacyi pažaru na terytoryi Minskaha zavoda vyličalnaj techniki, dzie ranicaj 11 maja hareŭ skład, što arandujecca ŭ pradpryjemstva.
Pažar pačaŭsia ŭ 09:05. U 9.50 padčas jaho likvidacyi adbyłosia abvalvańnie dachu. Pad zavałami apynulisia siem supracoŭnikaŭ Ministerstva pa nadzvyčajnych situacyjach. Usich paciarpiełych dastali z‑pad zavałaŭ. «Dvoje ź ich pamierli na miescy pry praviadzieńni reanimacyjnych mierapryjemstvaŭ, jašče dvoje — u balnicy. Zaraz jašče troje supracoŭnikaŭ znachodziacca ŭ balnicy», — paviedamiŭ pres‑sakratar Ministerstva Vital Navicki.
U 10:08 pažar byŭ łakalizavany, a ŭ 11.38 likvidavany. U tušeńni pažaru na płoščy kala 200 kvadratnych mietraŭ byli zadziejničanyja 105 čałaviek i 25 adzinak techniki MNS.
Na miesca pažaru prybyŭ prakuror Minska Mikałaj Kulik. Vyrašajecca pytańnie pra zaviadzieńnie kryminalnaj spravy.
Imiony zahinułych — Vadzim Lesik (1977 hoda naradžeńnia, žanaty, dvoje dzietak), Dźmitry Łoŭdar (1975, žanaty, adno dzicia), Andrej Muchin (1969, žanaty, dvoje dziaciej) i Jury Sysoj (1978, žanaty, adno dzicia).
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary