Lidery apazicyi ŭpiorlisia ŭ pytańnie: jakim čynam vyznačyć kandydata ad apazicyi na prezidenckija vybary? Što pra toje dumajuć intelektuały i maralnyja aŭtarytety?
Siarhiej Čały, ekanamist: «Sprava ŭ tym što sam padychod da vyznačeńnia adzinaha kandydata niepravilny. Voś u nas jość nabor fihur, i my vyrašajem, chto moža stać kandydatam, chto nie moža. A potym užo dla kandydata prydumvajecca prahrama, jak byccam heta konkurs pryhažości, a nie vybary.
Pravilnaje rašeńnie zadačy zavajovy ŭłady — analiz situacyi i vyznačeńnie mietadaŭ, jakimi žadanyja źmieny mohuć być dasiahnutyja. Ź ich naŭprost budzie vyciakać prahrama kandydata.
Razmova pavinna iści nie pra toje, jak tasavać adnu i tuju ž kałodu bitych kart, a pra toje, ci zdolnaje hramadstva sfarmulavać asensavanyja patrabavańni dla kiraŭnikoŭ, i ŭžo potym, zychodziačy z patrabavańniaŭ da kandydata, padbirać adpaviednuju asobu. Budzie jana adzinaj, ci nie — usio roŭna.
Patrebien padychod, aryjentavany na vynik, a nie na praces. Hulnia ŭ imitacyju ŭdziełu ŭ vybarach i hulnia ŭ paddaŭki ŭžo ŭsim nadakučyła».
Inšyja mierkavańni — na sajcie NN u bližejšy čas.
