32‑hadovaja žančyna žyła ŭ kvatery na vuł. lejtenanta Kižavatava z 19‑hadovaj siabroŭkaj. Adnojčy haspadynia hatavała na kuchni ježu, kali ŭ ich z vypiŭšaj siabroŭkaj zdaryŭsia kanflikt, pišuć Minsk-naviny.
Dziaŭčyna na emocyjach stała skidać usio sa stała, zapuściła ŭ žančynu talerkaj — posud trapiŭ u šafu i raźbiŭsia. Paśla padyšła da pryjacielcy i stała bić jaje rukami pa śpinie.
Žančyna raptam paviarnułasia i ŭdaryła siabroŭku nažom u žyvot, a paśla i ŭ śpinu. Ubačyŭšy kroŭ, jana spałochałasia i pačała akazvać joj pieršuju miedycynskuju dapamohu, adnak chutkuju nie vyklikała. Ranicaj stan paciarpiełaj staŭ paharšacca.
Pieršapačatkova siabroŭki płanavali pajechać u traŭmapunkt na taksi, ale paśla ŭsio ž vyklikali bryhadu chutkaj dapamohi. Dziaŭčynu advieźli ŭ balnicu, dzie ekstranna praapieravali.
Pavodle zaklučeńnia ekśpierta, joj było pryčyniena ciažkaje cialesnaje paškodžańnie.
U dačynieńni da minčanki raspačali kryminalnuju spravu. Vinu jana pryznała častkova — nastojvała, što paciarpiełaja nibyta sama naparołasia na nož, u zroblenym raskajałasia.
Sud pryznaŭ jaje vinavataj u naŭmysnym pryčynieńni ciažkaha cialesnaha paškodžańnia, heta značyć paškodžańnia, niebiaśpiečnaha dla žyćcia, i pryznačyŭ pakarańnie dva z pałovaj hady chatniaj chimii.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary