Pajšła z žyćcia lehiendarnaja baskietbalistka z Łatvii Uljana Siamionava. Pra jaje śmierć va ŭzroście 73 hadoŭ paviedamiła Łatvijskaja baskietbolnaja asacyjacyja.
Uljana Siamionava była adnoj z najvialikšych spartovak u historyi žanočaha baskietboła. Za svaju karjeru, vystupajučy za zbornuju SSSR, jana dvojčy stanaviłasia alimpijskaj čempijonkaj (mahła b i bolš, ale žanočy baskietboł byŭ upieršyniu ŭklučany ŭ prahramu Alimpijad tolki ŭ 1976 hodzie, a Alimpijadu-1984 u Łos-Andželesie, kali Siamionava jašče hulała, SSSR bajkatavaŭ), trojčy zdabyvała zvańnie čempijonki śvietu i dziesiać razoŭ pieramahała na čempijanatach Jeŭropy. Akramia taho, jana adzinaccać razoŭ stanaviłasia ŭładalnicaj Kubka čempijonaŭ Jeŭropy, što źjaŭlajecca vyklučnym dasiahnieńniem.
Jaje ŭkład u raźvićcio baskietboła byŭ pryznany na mižnarodnym uzroŭni. Siamionava ŭvachodziła ŭ Zału słavy Mižnarodnaj fiederacyi baskietboła (FIBA), a taksama ŭ Zału słavy suśvietnaha baskietboła i suśvietnaha žanočaha baskietboła.
Uljana Siamionava pachodziła sa staravierskaj siamji, jakaja žyła na chutary Pabieržy na samym pamiežžy Łatvii i Litvy. U siamji, akramia jaje, vychoŭvalisia jašče piaciora dziaciej: adna siastra i čatyry braty.
Maci paśla šmatlikich rodaŭ mieła prablemy sa zdaroŭjem, tamu Uljana z rańniaha ŭzrostu pačała dapamahać joj pa haspadarcy. Pastajannaja praca na fiermie patrabavała fizičnych namahańniaŭ i spryjała jaje mocnamu fizičnamu raźvićciu.
A ŭ padletkavym uzroście Siamionava pačała vielmi chutka raści. Užo da 13 hadoŭ jaje rost amal dasiahnuŭ 190 santymietraŭ. Baćki zaniepakoilisia i źviarnulisia da lekaraŭ, ale miedyki pryznali dziaŭčynku całkam zdarovaj, nazvaŭšy jaje stan niepatałahičnym hihantyzmam. Paźniej sama Uljana tłumačyła svoj vysoki rost spadčynnaściu, adznačajučy, što pajšła ŭ dziadźku pa kudzieli, rost jakoha pieravyšaŭ dva mietry.
Sa źviestak Knihi rekordaŭ Hinesa, Uljana Siamionava źjaŭlajecca samaj vysokaj baskietbalistkaj za ŭsiu historyju hetaha vidu sportu. Jana taksama ŭvachodziła ŭ lik samych vysokich žančyn Savieckaha Sajuza. U roznych krynicach jaje rost nazyvaŭsia pa-roznamu, ale ŭ Knizie rekordaŭ Hinesa fihuruje ličba 210 santymietraŭ.
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA26
Kamientary
U 1991-m spadarynia aktyŭna padtrymała niezaležnaść Łatvii, brała ŭdzieł u šmatlikich akcyjach, u tym liku ŭ čas barykad.