U siecivie źjaviłasia admysłovaja internet-staronka, pryśviečanaja tvorčaj spadčynie znakamitaha biełaruskaha pierakładčyka Vasila Siomuchi (1936—2019) — Vasilsiomucha.com.
Elektronny archiŭ pierakładaŭ dastupny dla biaspłatnaha niekamiercyjnaha spampoŭvańnia i čytańnia, piša bellit.info.
Vasil Siomucha — adzin z najvialikšych pierakładčykaŭ u historyi biełaruskaj litaratury, tłumačać aŭtary prajektu. Jon pierakłaŭ na biełaruskuju movu Bibliju, tvory Hiote, Nicše, Hiermana Hiese, Tomasa Mana, Patryka Ziuskinda i mnohich inšych kłasikaŭ suśvietnaj litaratury.
Jahonyja pierakłady vyłučajucca niepieraŭzydzienym majsterstvam i hłybokim razumieńniem jak aryhinalnych tekstaŭ, tak i vyjavaju bahaćcia biełaruskaj movy.
Naviedniki sajta znojduć kalekcyju pierakładaŭ Vasila Siomuchi ŭ elektronnym farmacie, bijahrafiju aŭtara, fotahalereju i publikacyi. Usie knihi dastupnyja dla biaspłatnaha niekamiercyjnaha spampoŭvańnia. Staronka dastupnaja na troch movach: biełaruskaj, anhielskaj i rasiejskaj.
«My spadziajomsia, što hety prajekt dapamoža zachavać i papularyzavać biascennuju kulturnuju spadčynu Vasila Siomuchi dla budučych pakaleńniaŭ», — havorać aŭtary archiŭnaj stronki.
Źjaŭleńnie admysłovaha sajta, prymierkavana da 90‑hodździa z dnia naradžeńnia Vasila Siomuchi (18 studzienia).
Kamientary
Moža, treba imknucca da realistyčnych acenak?