Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
Spačatku 31‑hadovaha Leanida Skrobatava kantuziła na pieradavoj. Kali padlačyli, znoŭ adpravili na front. A tam i imitavać śmierć nie spatrebiłasia.
Leanid Skrobataŭ naradziŭsia ŭ vioscy Ščatkava pad Babrujskam 16 śniežnia 1994 hoda.
Jašče ŭ maładości, u 2014 hodzie, jon trapiŭ u pole zroku siłavikoŭ: chłopca abviaścili ŭ vyšuk za toje, što byŭ vinien dziaržavie kala $10 tysiač.
Skrobataŭ sprabavaŭ schavacca aryhinalnym čynam — pisaŭ u sacsietkach dopisy «Ja pamior» i «Leanida Skrobatava bolš nie isnuje», spadziejučysia ŭvieści milicyjanieraŭ u zman. Paralelna jon stvaryŭ niekalki fejkavych staronak.
Heta nie dapamahło: jaho znajšli i prysudzili chimiju.
Paśla adbyćcia pakarańnia Leanid pracavaŭ budaŭnikom, jeździŭ na šabaški ŭ Rasiju. Paśpieŭ prajści terminovuju słužbu ŭ vajskovaj čaści 12147.
U 2022 hodzie biełarus kančatkova pierabraŭsia ŭ Rasiju. Spačatku šukaŭ žyllo ŭ Maskvie, paśla asieŭ u Krasnadary. Jon praciahvaŭ pracavać na budoŭlach, pakul nie vyrašyŭ źmianić ryštunak na vajskovuju formu.
Letam 2024 hoda Skrobataŭ zavierbavaŭsia na vajnu suprać Ukrainy. U śniežni 2024 hoda biełarus trapiŭ u špital z kantuzijaj.
Ale paśla lačeńnia jaho viarnuli na pieradavuju. Apošni raz Skrobataŭ byŭ anłajn u sakaviku 2025 hoda. Pra śmierć najmita stała viadoma tolki ŭ listapadzie 2025-ha.
«Naša Niva» — bastyjon biełaruščyny
PADTRYMAĆ23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
Nie prabyŭ na froncie i piaci dzion, zastaŭsia tolki abhareły trup. U vajnie suprać Ukrainy zahinuŭ uradženiec Śvietłahorskaha rajona
Kamunist z Homiela zapisaŭsia dobraachvotnikam na vajnu na baku Rasii. I zahinuŭ
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary