U homielskaj karcinnaj halerei razrekłamavali mierapryjemstva z nahody Dnia śviatoha Valancina. A paśla spałochalisia i admianili
Paśla taho jak u publičnaj śfiery źjaviłasia infarmacyja, što ŭ Homieli, niahledziačy na niehałosnuju zabaronu, praciahvajuć adznačać «zachodni» Dzień śviatoha Valancina, u adnoj ź dziaržaŭnych ustanoŭ — karcinnaj halerei imia Vaščanki — mierapryjemstva z hetaj nahody adrazu admianili, zaŭvažyŭ «Fłahštok».
Pry hetym halereja nijak nie paviedamiła pra admienu žycharam horada. Jak zaŭvažyŭ «Fłahštok», arhanizatary prosta vydalili raniej raźmieščanyja anonsy z aficyjnaha sajta i sa staronak u sacyjalnych sietkach.
Ciapier sajt ustanovy całkam adpaviadaje ideałahičnym patrabavańniam: tam raźmieščanyja rubryka «Hienacyd», baniery «Supraćdziejańnie ekstremizmu» i «Hod biełaruskaj žančyny», videa pra delehataŭ Usiebiełaruskaha narodnaha schodu, a taksama anons «patryjatyčnaha prajekta» «Lublu svaju Ajčynu», padrychtavanaha razam z histaryčnym kłubam pry Ruskim domie.
Razam z tym afiša admienienaha mierapryjemstva zachavałasia na inšych internet-resursach. U miežach viečaryny «Dzień zakachanych z Vudzi Alenam» płanavałasia prahlad i abmierkavańnie jaho filma «Eni Choł» — kamiedyjnaj mieładramy, a taksama hulni i naviedvańnie vystaŭ.
Dyrektarkaj halerei imia Vaščanki źjaŭlajecca Ludmiła Šymbalova — davieranaja asoba Alaksandra Łukašenki na prezidenckich vybarach, kiraŭnica rajonnaj arhanizacyi praŭładnaha Biełaruskaha sajuza žančyn i delehatka Usiebiełaruskaha narodnaha schodu. U 2020 hodzie Łukašenka ŭznaharodziŭ jaje miedalom. Jana taksama była adnoj z publičnych fihur praŭładnych masavych mierapryjemstvaŭ u Homieli.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary