U Maładziečanskim rajonie niekalki dzion isnavała «biełaruskaja Antarktyda» i zamierzły Nijaharski vadaspad
U Threads tolki i razmoŭ, što pra «biełaruskuju Antarktydu». Niezvyčajnuju łakacyju vyjavili za Radaškovičami.
Ciapier adny rychtujucca vyjazdžać na miesca i chutčej rabić kantent, a inšyja poŭnyja sumnievaŭ: maŭlaŭ, ci nie čarhovyja heta vychadki ŠI? Ale ž nie, łakacyja realnaja. Praŭda, užo z vychodnych usio vyhladaje trochi inakš, piša Onliner.by
«Siońnia źjeździła ŭ łakacyju, pra jakuju dumała niekalki tydniaŭ i sustrakała niekalki pastoŭ u treds. Tam ja sustreła niekalki čałaviek — jak akazałasia, taksama z treds», — napisała aŭtar
«Zamak Śniežnaj karalevy», — paetyčna zaŭvažyła inšaja biełaruska.
U kamientarach pad dopisam vyšej svaimi kadrami padzialiłasia jašče adna dziaŭčyna. Apiaredžvajučy rospyty, aŭtarka zapeŭniła: «Kali što, heta nie ŠI».
Fota i videa, raskazała čarhovaja aŭtarka dopisu, było zroblena litaralna na dniach — 11 lutaha.
Uraziŭšysia vyhladami, mnohija prasili padzialicca dakładnaj łakacyjaj. Adrazu ŭ niekalkich dopisach paznačana: šukać treba ŭ Maładziečanskim rajonie.
Darečy, tyja, chto paśpieŭ pabyvać na miescy, rajać nie padychodzić blizka: lod pastupova adkołvajecca. A jašče kažuć, što vakoł łunajuć nie samyja pryjemnyja vodary.
Dyk što ž na fota? Miarkujučy pa adkazach, fota zroblenyja kala vadanapornaj viežy ŭ vioscy Harniaki pad Maładziečnam.
Žurnalistam vydańnia «Minskaja praŭda» raskazali, što vieža znachodzicca na bałansie AAT «Dubrava-2013», ale ciapier jana zdajecca ŭ arendu adnoj z arhanizacyj. Efiektny vyhlad budynak, chutčej za ŭsio, atrymaŭ z-za niaspraŭnaści kanstrukcyi.
U Radaškavickim sielsaviecie ŭ piatnicu žurnalistu Onlíner raskazali, što łakacyja sapraŭdy karystajecca papularnaściu. Ale papiaredzili, što MNS užo prybiraje abledzianieńnie.
U Threads pakazali, jak ciapier vyhladaje zamierzłaja vieža. «Bolš za pałovu ŭžo adbili, ale heta vielmi pryhoža», — napisała dziaŭčyna i ŭdakładniła, što fota zroblenyja ŭčora dniom.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary