U Breście na niekatoryja mašyny stali kleić žoŭtyja nalepki. Što jany aznačajuć?
U Breście ŭładalniki 22 aŭtamabilaŭ znajšli na škle žoŭtyja nalepki — heta aficyjnaje papiaredžańnie z patrabavańniem prybrać nieekspłuatavany transpart, piša vydańnie autogrodno.by.
Sumiesnuju pravierku praviali supracoŭniki adździeła ŽKH administracyi Maskoŭskaha rajona Bresta i DAI. Jany ahladali dvary i prydarožnyja terytoryi, źviartajučy ŭvahu na mašyny biez numarnych znakaŭ, sa śladami doŭhaha prastoju i vidavočnymi niaspraŭnaściami.
U vyniku vyjavili 22 aŭtamabili, jakija hadami zajmajuć parkovačnyja miescy, nikoli ich nie pakidajučy. Na kožny ź ich nakleili infarmacyjnaje papiaredžańnie z patrabavańniem u najbližejšy čas prybrać transpart.
Takija mašyny stvarajuć šerah prablem: zajmajuć miescy na stajankach, pieraškadžajuć prybirańniu terytoryi ŭ roznyja pory hoda i mohuć uskładniać prajezd chutkaj dapamohi abo pažarnych słužbaŭ.
U Leninskim rajonie horada miery ŭžo stali bolš žorstkimi — akramia papiaredžańniaŭ pačali prymianiać evakuacyju. Niadaŭna z vulic Aeradromnaj, Lejtenanta Rabcava, Mašenskaha i Kamiercyjnaj vyvieźli piać aŭtamabilaŭ. Akcyju praviali sumiesna rajonnaja administracyja i haradskija słužby.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary