U Biełarusi stvorać rejestr kampanij, jakija papalisia na chabarach
U Biełarusi płanujuć stvaryć adkryty rejestr jurydyčnych asobaŭ, jakija byli pryciahnutyja da adkaznaści za daču chabaru, u tym liku pry ŭdziele ŭ dziaržaŭnych zakupkach. Pra heta paviedamiŭ načalnik upraŭleńnia pa baraćbie z karupcyjaj i arhanizavanaj złačynnaściu Hienieralnaj prakuratury Ihar Hrejba, piša Office Life.
Pavodle źviestak Hienprakuratury, bolš za 70% vypadkaŭ dačy chabaru źviazanyja z pracedurami zakupak, vykanańniem damoŭ i rasparadžeńniem dziaržaŭnaj majomaściu. Čaściej za ŭsio chabar dajecca słužbovym asobam mienavita ŭ śfiery dziaržzakupak.
Jašče ŭ 2021 hodzie ŭ Kodeks ab administracyjnych pravaparušeńniach była ŭniesiena norma, jakaja praduhledžvaje adkaznaść jurydyčnych asobaŭ, u intaresach jakich dajecca chabar. U 2025 hodzie da takoj adkaznaści pryciahnuli 140 kampanij. Ahulnaja suma štrafaŭ pieravysiła 1,7 miljona rubloŭ.
Pavodle słoŭ Ihara Hrejby, takija kampanii pavinny ličycca niadobrasumlennymi ŭdzielnikami haspadarčaj dziejnaści i na paŭhoda pazbaŭlacca prava ŭdzielničać u dziaržaŭnych zakupkach. Kab zabiaśpiečyć prazrystaść, płanujecca stvaryć śpiecyjalny adkryty rejestr kampanij, pryciahnutych da adkaznaści za daču chabaru. Paradak jaho farmiravańnia zaraz raspracoŭvajecca.
Čakajecca, što rejestr źjavicca ŭžo sioleta. Akramia taho, u Pałacie pradstaŭnikoŭ razhladajecca zakonaprajekt, jaki pašyryć administracyjnuju adkaznaść za daču chabaru nie tolki na słužbovych asobaŭ kampanij, ale i na inšych supracoŭnikaŭ.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary