U žyćci zaŭždy jość miesca podźvihu. Što jość hierojstva siońnia? Jakija ŭčynki ź siońniašniaha dnia ŭvojduć u chrestamatyi biełaruskaha ŭčynku? Čyimi imionami zaŭtra nazavuć vulicy našych haradoŭ?
U žyćci zaŭždy jość miesca podźvihu. Što jość hierojstva siońnia? Jakija ŭčynki ź siońniašniaha dnia ŭvojduć u chrestamatyi biełaruskaha ŭčynku? Čyimi imionami zaŭtra nazavuć vulicy našych haradoŭ?
Adkaz na pytańnie “što jość učynak siońnia” tojesny z adkazam na pytańnie, što takoje realnaja palityka i chto taki realny palityk siońnia. Toj, chto hierojstvuje jazykom, ci majstar nieardynarnych rezanansnych ŭčynkaŭ? Jak Źmicier Kaśpiarovič, jaki sarvaŭ ściah režymu ź Mienharvykankamu? Dla mianie ŭ hetym materyjale asabliva kaštoŭnyja śviedčańni jahonych siabroŭ. Prachodziačy praz turmu, čałaviek pačynaje jaśniej bačyć.
Hierojstva zaŭždy vypadkovaje, epizadyčnaje. Hierojstva nie zaplanuješ. Heta adkaz na momant. Ale heta vynik ćviorda zroblenaha vybaru, vynik nastroju.
Kab u krainie pamianiałasia ŭłada, patrebnaje hierojstva. Uźniać ludziej na hierojstva moža fejeryja, raźniavolenaja tvorčaść. Svaboda. Apazycyja niasie hetaje słova na štandarach, ale rezanansnych učynkaŭ joj brakavała, u tym liku i pieršyja čatyry miesiacy paśla abrańnia Milinkievičam novym lideram. Jahonyja apošnija zajavy skiravanyja na abvastreńnie sytuacyi. Ci aznačaje heta, što ŭ palityku vierniecca drajv?
Adzin ź niezaležnych sacyjolahaŭ raskazaŭ mnie, što vyjavili apošnija daśledavańni: 80% biełarusaŭ peŭnyja, što vybary padtasoŭvajucca. I inšaje — upieršyniu za łukašenkaŭski čas takaja vartaść, jak “svaboda”, stała bolš važyć dla ludziej, čym “dabrabyt”. Heta prajava fundamentalnych źmienaŭ u śviadomaści. Jany jašče nie artykulavalisia va ŭčynki, ale praces idzie. Źviarnu ŭvahu na artykuł Mikoły Statkieviča, pisany ŭ vysyłcy.
Historyk — i adaratar, što niemałavažna — materyjalnaj kultury Aleś Bieły raskapaŭ historyju modnaha napoju “Krambambula”. Dyrektar restaracyi “Hrunvald” Alaksandar Astrašeŭski asabista ŭznaŭlaŭ tradycyju hatavańnia staradaŭniaha trunku. Žurnalist “NN” vypraviŭsia ŭ “Hrunvald” “Krambambuli” paspytać. U taki maroz heta nadzvyčaj pryjemna.
Ciapier čytajuć
Aryštavany ministr pryrodnych resursaŭ vybraŭ «stratehiju Bryło»1
Aryštavany ministr pryrodnych resursaŭ vybraŭ «stratehiju Bryło»
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»2020
Kamientary