Hiermanija zapatrabavała skaracić prajekt biudžetu ES na sotni miljardaŭ jeŭra. Ź biudžetu ES finansujecca i biełaruskaja kultura
U advarotnym vypadku jana pry padtrymcy Finlandyi, Niderłandaŭ, Šviecyi i Danii pahražaje zabłakavać finansavy płan na bližejšyja siem hadoŭ.
Kancler Hiermanii Frydrych Mierc i lidary jašče piaci krain Jeŭrapiejskaha sajuza pryhrazili nie padtrymać nastupny siamihadovy biudžet abjadnańnia, kali vydatki nie skarociać na «sotni miljardaŭ» jeŭra. Pra heta paviedamlaje Financial Times jakaja aznajomiłasia z sumiesnym listom kiraŭnikoŭ dziaržaŭ.
Dakumient padpisali lidary Hiermanii, Niderłandaŭ, Šviecyi, Danii, Aŭstryi i Finlandyi. Biudžet ES «pavinien być fundamientalna refarmavany», a jaho ŭdzielnikam nieabchodna «zrabić vybar», havorycca ŭ liście.
«Kali biudžet nie budzie skaročany na sotni miljardaŭ, pahadnieńnia sioleta nie budzie», — zajaviŭ FT dypłamat adnoj z krain, jakija padpisali dakumient.
Hetyja šeść dziaržaŭ zabiaśpiečvajuć kala 40% pastupleńniaŭ u biudžet ES. Jany patrabujuć istotna pamienšyć prapanavanuju Jeŭrakamisijaj sumu €2 trłn, tłumačačy svaju pazicyju nieabchodnaściu strymlivać dziaržaŭnyja vydatki.
Srodki Jeŭrasajuza za apošnija hady stali asnoŭnaj krynicaj finansavańnia biełaruskaj kultury, dapamohi represavanym u Biełarusi i biełaruskich ŚMI, tamu ad struktury i napaŭnieńnia biudžetu ES zaležać i biełaruskija nacyjanalnyja intaresy. Tatalitarnaja dyktatura ŭ Biełarusi kryminalna karaje luboje finansavańnie niezaležnych inicyjatyŭ. Heta zrabiła jeŭrapiejskaje finansavańnie «linijaj žyćcia» dla biełaruskaj movy, identyčnaści i hramadstva. Faktyčna, na siońnia jany zachoŭvajucca za košt padatkaŭ tych biełarusaŭ, jakija žyvuć ci pracujuć u ES.
Najbolšaja dola biudžetu Jeŭrasajuza vydatkoŭvajecca na vyroŭnivańnie ŭzroŭniu raźvićcia biadniejšych krain ES — inviestycyi ŭ krainy Centralnaj i Uschodniaj Jeŭropy, a taksama na padtrymku sielskaj haspadarki. Skaračeńnie biudžetu sajuza moža pryvieści da padzieńnia tempaŭ rostu ekanomiki Polščy i krain Bałtyi.
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
-
Šviejcarskija ledaviki rastajuć, za minuły hod stračanaja rekordnaja kolkaść lodu. Čym heta pahražaje?
-
Ukrainca pakarali ŭmoŭnym terminam za pieradaču Biełarusi prahramy dla vajskovaha avijacyjnaha trenažora
Ciapier čytajuć
Usich studentak biełaruskich VNU abaviazali terminova zapoŭnić ankietu z paznačeńniem svajho rostu52
Kamientary
Ludzi finansujuć SAMI toje, što jany ličać svaim i cikavym!