Red., u vas tam u adnym miescy hety les nazvany pa-rasijsku, praz "a" i boty nie apranajuć, a abuvajuć. Ja vyłučyŭ praz "paviedamić pra pamyłku". Vypraŭcie.
Andruś
04.04.2026
Vialikuju škodu prypiackim pojmavym dubrovam nanieśli nie tolki ŭ XIX stahodździ, ale i naprykancy XX i ŭ XXI. I zrabiŭ heta jakraz Nacyjanalny park "Prypiacki" padčas kiravańnia im kłanu Bambizaŭ. Admysłova pad hetyja dubrovy na supraćlehłym bierazie Prypiaci zbudavali vializny drevaapracoŭčy kompleks, asnoŭnaj śpiecyjalizacyjaj jakoha była vytvorčaść dubovaha parkietu. Spačatku jany vyvieli pojmavyja dubrovy z zapaviednaj zony, chacia jakraz dziela zachavańnia mienavita hetaha lesu i stvaraŭsia kaliści Prypiacki zapaviednik. Toje, što dubrovy pierastali być zapaviednymi raźviazała ruki kłanu Bambizaŭ. Bambizy zahadvali supracoŭnikam laśnictvaŭ, na terytoryi jakich znachodzicca masiŭ pojmavych dubrovaŭ, falsifikavać dakumienty, afarmlajučy nieabchodnaść praviadzieńnia ŭ pojmavych dubrovach nibyta sanitarnych vysiečak. Pry hetym vysiakalisia jakasnyja drevy, prydatnyja dla vyrabu parkietu. Dla vyvazu draŭniny praz pojmavyja dubrovy prakłali žviroŭnuju darohu, jakaja parušyła vodny bałans masivu praz toje, što pierakryła narmalnaje zatapleńnie vialikaj častki dubovaha masivu, narmalnym stanam jakoha stahodździami było siezonnaje zatapleńnie. Heta vyklikała hibiel drevaŭ i dazvalała Bambizam apraŭdvać vysiečki. Navukovych supracoŭnikaŭ byłoha zapaviednika, pieraroblenaha Bambizami ŭ Nacyjanalny park, kab jon moh vieści kamiercyjnuju haspadarčuju dziejnaść, zvalniali z pracy za toje, što jany sprabavali baranić staražytny ŭnikalny les. Sama ž hetaja Volha Charytanovič, udzielničajučy ŭ hramadskaj kampanii za vyratavańnie prypiackich pojmavych dubrovaŭ, była voraham bambizaŭskaha kłanu i złamała šmat dzidaŭ u abaronie lesu. Bo Bambizy nie ličyli ekałahičny turyzm vartym napramkam dziejnaści nacparka, a rabili staŭku vyklučna na drevapierapracoŭku i palavańni. Ale čas Bambizaŭ adyjšoŭ i ŭ "Prypiackim" źmianiłasia kiraŭnictva. Tak na pasadu, źviazanuju z raźvićciom ekaturyzmu trapiła spadarynia Volha. Zrazumieła, što ni jana, ni Anłajnier nie raspaviaduć pra toje, što narabiŭ u prypiackich dubrovach Nacyjanalny park "Prypiacki". Ale chočacca vieryć, što z novym kiraŭnictvam toj damokłaŭ mieč kančatkovaha źniščeńnia staražytnaha i ŭnikalnaha lesu, jaki visić nad pojmavymi dubrovami, źniknie i hetyja masivy znoŭ stanuć zapaviednymi.
Nu
04.04.2026
Andruś, dziakuj za infu! Čarhovy raz pierakanaŭsia, što ŭ Biełarusi jość i mankurty-bambizy, katoryja vyraklisia ŭsiaho dziela hrošaŭ, i ludzi, katoryja sprabujuć ź imi zmahacca. Nakont spadaryni Volhi tolki adno niepryjemnaje ŭražańnie: jaje vandroŭka ŭ Dahiestan (to-bok, u rasieju) ŭ toj čas, jak hetaja kraina niščyła harady i ludziej va Ŭkrainie (ŭsiaho praz paŭhady paśla pačatku vajny!). Ci tak žyćciova nieabchodny byŭ hety "aficyjny" tytuł piešachodnaha hida, vydadzieny pradstaŭnikami krainy-zabojcy?
«Viesłavać nie treba, ale emocyj nie mienš». Jak vyhladaje prahułka pa pojmiennych dubrovach Prypiaci
Navukovych supracoŭnikaŭ byłoha zapaviednika, pieraroblenaha Bambizami ŭ Nacyjanalny park, kab jon moh vieści kamiercyjnuju haspadarčuju dziejnaść, zvalniali z pracy za toje, što jany sprabavali baranić staražytny ŭnikalny les. Sama ž hetaja Volha Charytanovič, udzielničajučy ŭ hramadskaj kampanii za vyratavańnie prypiackich pojmavych dubrovaŭ, była voraham bambizaŭskaha kłanu i złamała šmat dzidaŭ u abaronie lesu. Bo Bambizy nie ličyli ekałahičny turyzm vartym napramkam dziejnaści nacparka, a rabili staŭku vyklučna na drevapierapracoŭku i palavańni.
Ale čas Bambizaŭ adyjšoŭ i ŭ "Prypiackim" źmianiłasia kiraŭnictva. Tak na pasadu, źviazanuju z raźvićciom ekaturyzmu trapiła spadarynia Volha. Zrazumieła, što ni jana, ni Anłajnier nie raspaviaduć pra toje, što narabiŭ u prypiackich dubrovach Nacyjanalny park "Prypiacki". Ale chočacca vieryć, što z novym kiraŭnictvam toj damokłaŭ mieč kančatkovaha źniščeńnia staražytnaha i ŭnikalnaha lesu, jaki visić nad pojmavymi dubrovami, źniknie i hetyja masivy znoŭ stanuć zapaviednymi.