Biełaruskaja škoła na vioscy? A vy, šanoŭnaje spadarstva, bačyli choć adnu biełaruskuju škołu (nia budziem čapać Miensku), dzie vykładańnie viałosia b całkam na biełaruskaj movie? Ale samaje strašnaje zusim nia heta: u «biełaruskich škołach» naahuł niama sapraŭdnych nastaŭnikaŭ-patryjotaŭ, jakija b štodnia razmaŭlali pa-biełarusku.
Biełaruskaja škoła na vioscy? A vy, šanoŭnaje spadarstva, bačyli choć adnu biełaruskuju škołu (nia budziem čapać Miensku), dzie vykładańnie viałosia b całkam na biełaruskaj movie? Ale samaje strašnaje zusim nia heta: u «biełaruskich škołach» naahuł niama sapraŭdnych nastaŭnikaŭ-patryjotaŭ, jakija b štodnia razmaŭlali pa-biełarusku. A to vychodzić, što nastaŭniki t.zv. biełaruskaj škoły vučać dzietak lubić matčynu pieśniu, zaklikajuć lubić i šanavać rodnuju kulturu i historyju, a jak tolki zakančvajecca ŭrok, to adrazu pierachodziać na «lubimuju» rasiejskuju movu. Ci jašče «lepiej» – «trasianku». Pastupova ŭ dziaciej zakładvajecca kompleks «niepaŭnavartasnaści»: jany bajacca razmaŭlać pa-biełarusku, bo ich nastaŭniki zdradzili biełaruśkaści; jany bajacca zmahacca za svaje ekanamičnyja i palityčnyja pravy, bo ich nastaŭniki i baćki «za hrošy» zdali Biełaruś u «fašyscki» pałon.
Dzieci starajucca być padobnymi da darosłych. I kali vy prymušajecie svaich dziaciej ustupać u BRSM ci honicie ich da pasolstva Polščy, Niamieččyny z antypolskimi i antyhiermanskimi lozunhami, to vy, daražeńkija, stanoviciesia nia tolki zdradnikami Biełarusi-maci, ale i jaje akupantami i katami.
Ja rad za tych dziaciej, jakija vyjšli ŭ sakaviku 2006 h. na plac Voli baranić našu Svabodu. Ja nizka schilajusia pierad tymi nastaŭnikami, jakija nia tolki padtrymali svaich vučniaŭ u hety momant, ale i pieradali bieł-čyrvona-bieły ściah u ruki maładoha pakaleńnia baranić idei Kastusia Kalinoŭskaha, Mikoły Jermałoviča.
Dziakuj vam, darahija junaki i dziaŭčaty, što vy jość u nas, što nie baiciesia kataŭ i zdradnikaŭ Biełarusi, što vy vyjšli baranić svabodu i niezaležnaść našaj Baćkaŭščyny. Starejšaje pakaleńnie zabyła, chto ŭ krainie haspadar, unuki – nie zabyli, bo jany zaŭsiody pamiatali i pamiatajuć duchoŭny zapaviet Kastusia Kalinoŭskaha: «Tolki tady, narodzie, zažyvieš ščaśliva, kali nad taboj maskala bolš nia budzie!»
Ciapier čytajuć
Na Dzień Voli i dzień inaŭhuracyi Łukašenki ŭ Biełarusi abmiažujuć internet8
Kamientary