Kolkaść zarehistravanych na CT sioleta na 3 tys. mienšaja, čym letaś
Na centralizavanaje testavańnie (CT) sioleta zarehistravalisia bolš za 172 tys. abituryjentaŭ. Pra heta paviedamili ŭ Respublikanskim instytucie kantrolu viedaŭ (RIKV) Ministerstva adukacyi Biełarusi. Kolkaść zarehistravanych abituryjentaŭ nižejšaja, čym u minułym hodzie.
Nahadajem, u 2009 hodzie na centralizavanaje testavańnie zarehistravałasia bolš za 175 tys. abituryjentaŭ. Niajaŭka na ispyty abituryjentaŭ skłała kala 2—3%.
Najbolšaja kolkaść abituryjentaŭ tradycyjna zarehistravałasia na test pa matematycy — bolš za 118 tys. čałaviek.
U 2009 hodzie test pa matematycy zdavali bolš za 116 tys. abituryjentaŭ.
Na testavańnie pa rasijskaj movie zarehistravałasia bolš za 105 tys. čałaviek (110 tys. — u 2009 hodzie). Test pa biełaruskaj movie vykazali žadańnie zdavać 67 tys. čałaviek,
pa fizicy — bolš za 52 tys., pa bijałohii — bolš za 32 tys., pa anhlijskaj movie — bolš za 32 tys., pa historyi Biełarusi — bolš za 25 tys., pa chimii — bolš za 18 tys. abituryjentaŭ.
Prajści test pa hramadaznaŭstvie płanujuć bolš za 12 tys. abituryjentaŭ, pa hieahrafii — 2,5 tys., pa Suśvietnaj historyi najnoŭšaha času — bolš za 2 tys., pa niamieckaj movie — kala 6 tys., pa ispanskaj — kala 1,5 tys., pa francuzskaj — kala 1,7 tys. čałaviek.
U RIKV adznačyli, što sioleta rehistracyja na CT prajšła «spakojna, biez ažyjatažu». Aŭtamatyzavanaja infarmacyjnaja sistema, jakaja prymianiajecca ŭ 46 z 73 punktaŭ rehistracyi, dazvoliła pavysić jakaść siervisu pry rehistracyi na CT. Płanujecca, što heta sistema budzie ŭkaranionaja ŭ nastupnym hodzie va ŭsich punktach rehistracyi na CT.
Nahadajem, CT u Biełarusi projdzie z 14 pa 30 červienia. Pieršy test, pa biełaruskaj movie, projdzie 14 červienia.
15 červienia abituryjenty buduć zdavać test pa ruskaj movie, 17 červienia — pa historyi Biełarusi, 18 červienia — pa hieahrafii, 20 červienia — pa matematycy, 22 červienia — pa hramadaznaŭstvie, 24 červienia — pa Suśvietnaj historyi najnoŭšaha času, 25 červienia — pa fizicy, 27 červienia — pa bijałohii, 29 červienia — pa zamiežnych movach, 30 červienia — pa chimii. Siertyfikaty CT buduć vydavacca ŭsim abituryjentam, jakija zdali test na 1 bał i bolej.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary