Z novym vyklikam sutyknucca ŭsie raźvityja krainy.
Hienieralny dyrektar Indeed Chisajuki Idekoba zajaviŭ, što hałoŭnaja pahroza dla rynku pracy siońnia — nie štučny intelekt, a imklivaje stareńnie pracoŭnaj siły. Pavodle jaho, dyskusija vakoł ŠI adciahvaje ŭvahu ad značna bolš maštabnaj prablemy, piša devby.io.
«Nasamreč va ŭsich raźvitych krainach, u tym Jeŭropie i ZŠA, adbyvajecca maštabnaja demahrafičnaja źmiena — stareńnie rynku pracy», — skazaŭ Idekoba na ekanamičnym samicie Semafor World Economy Summit.
Pavodle acenak Indeed, u ZŠA ŭ bližejšyja 15 hadoŭ kolkaść pracaŭnikoŭ skarocicca na 20 miljonaŭ čałaviek — prykładna na 5% ad ciapierašniaha ŭzroŭniu. Pry hetym asnoŭny ŭkład u hetaje źnižeńnie daść demahrafija, a nie technałohii. «Heta prykładna na 5% mienš pracaŭnikoŭ», — adznačyŭ jon, dadaŭšy, što
kala 80% skaračeńnia budzie źviazana sa stareńniem nasielnictva i tolki 20% — z vyciaśnieńniem pracoŭnych miescaŭ ŠI.
Idekoba padkreśliŭ, što biznesu ŭžo ciapier składana zamianiać supracoŭnikaŭ, jakija sychodziać na piensiju, i heta akazvaje bolš prykmietny ŭpłyŭ, čym aŭtamatyzacyja.
Prablema ŭskładniajecca tym, što ŭ mnohich raźvitych krainach užo nazirajecca niedachop kadraŭ u klučavych halinach — ad budaŭnictva da achovy zdaroŭja. Pavodle kiraŭnika Indeed, ZŠA i Jeŭropa pakul nie asensavali maštab taho, što adbyvajecca: rynak pracy skaračajecca, niahledziačy na vialikuju kolkaść adkrytych vakansij.
Jon pryvioŭ u prykład Japoniju, dzie padobny demahrafičny kryzis častkova kampiensavali za košt rostu zaniataści žančyn. U ZŠA i Jeŭropie, na jahonuju dumku, takoha reziervu ŭžo niama.
«U ZŠA, Hiermanii, Vialikabrytanii i ŭsich raźvitych krainach heta budzie adbyvacca chutčej», — skazaŭ Idekoba.
Heta ŭžo pryvodzić da praktyčnych nastupstvaŭ dla spažyŭcoŭ: «Mienavita tamu ciapier adbyvajecca nastupnaje: jość vializnaja kolkaść adkrytych vakansij — u budaŭnictvie, santechnicy, achovie zdaroŭja, elektrycy — u krytyčna važnych prafiesijach, ale ŭ nas niama dastatkovaha patoku kadraŭ».
U vyniku deficyt śpiecyjalistaŭ pačynaje adčuvacca na bytavym uzroŭni. «Ja nie chaču čakać dva miesiacy, kali ŭ mianie ciače vada. Ale ciapier u ZŠA heta mienavita tak», — adznačyŭ ekśpiert.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary