«My budziem kantralavać Maskvu». Były vice-premjer Čačni zajaviŭ, što musulmanie hatovyja ŭziać uładu ŭ Rasii

Musulmanie, jakija pražyvajuć u Maskvie, hatovyja ŭ patrebny momant uziać uładu ŭ svaje ruki, ustalavać tuju ŭładu, jakaja budzie im zručnaja, kab Rasija bolš nie pryčyniała škody navakolnym krainam i narodam. Pra heta ŭ intervju kanału «Riźni ludi» zajaviŭ Rusłan Kutajeŭ, prezident Asamblei narodaŭ Kaŭkaza, jaki ŭ 1996—97 hadach zajmaŭ pasadu vice-premjera Čačni, a paśla byŭ pamočnikam pa asablivych daručeńniach prezidenta Čačni Asłana Maschadava, piša The Moscow Times. 

Pavodle słoŭ Kutajeva, jaki ŭ pačatku 2026 hoda ŭvajšoŭ u skład Płatformy rasijskich demakratyčnych sił pry PASIE, u Maskvie pražyvajuć miljony musulman, jakija baviać čas u «kačałkach», trenirujucca i ŭ patrebny momant vyjduć na barykady.

«My nie prosta vierniemsia — spačatku my papracujem u Maskvie. My ŭstalujem tam uładu, jakaja nam zručnaja. Čamu? Tamu što ŭ Maskvie siońnia pražyvaje da 15 młn čałaviek. 5 młn pryjezdžych, 10 młn ludziej, jakija majuć prapisku. Ź ich 3,5—4 młn ludziej, jakija vyznajuć isłam, praktykujuć isłam, kaŭkazcy i pradstaŭniki azijackich narodaŭ. Z usimi lidarami azijackich narodaŭ u Asamblei narodaŭ Kaŭkaza vybudavanyja cudoŭnyja adnosiny. I ŭ čas X, kali ŭ Rasii treba budzie dziejničać, my budziem dziejničać», — skazaŭ Kutajeŭ.

Pavodle jaho słoŭ, za tymi, chto raźličvaje na «amierykanskija i na brytanskija hrošy», kab kiravać Rasijaj, stajać «studenciki, jakija ź lichtarykami buduć chadzić». «Što za nami? Ludzi, jakija, kali treba, i hałavu adarvuć, i bašku źniasuć, i na barykady pojduć, i barykadu vybudujuć», — skazaŭ Kutajeŭ.

«My budziem kantralavać Maskvu dla taho, kab Maskva nie vypiendryvałasia i nie nanosiła škodu navakolnym narodam i navakolnym dziaržavam. Tolki tak, i pa-inšamu nie atrymajecca», — dadaŭ jon.

Pavodle słoŭ Kutajeva, u Rasii tvorycca «chaos», nichto «nie daviaraje ŭładzie».

«Z roznych rehijonaŭ, nie kažu za Kaŭkaz, z ruskich rehijonaŭ kožny dzień maje pamočniki atrymlivajuć ad ludziej paviedamleńni, što tam robicca na pryłaŭkach, pra što kažuć u aŭtobusach, što tam adbyvajecca na vulicach. Nichto nie vieryć Pucinu. Usie viedajuć, što Pucin prajhraŭ», — skazaŭ Kutajeŭ.

Pry hetym, kali pačniecca padzieł ułady, treba budzie «damovicca z nami, z narodami, jakija my abjadnali ŭ Maskvie, — padkreśliŭ jon. — Tamu što my budziem źjaŭlacca hałoŭnaj siłaj, jakaja vyznačaje, jak buduć adbyvacca padziei ŭ Maskvie. My prosta čakajem. My prosta čakajem, kali hetaja ŭmova nastupić. I nas vielmi šmat, nas vielmi šmat».

• 16
• 1
• 20
• 3
• 4
• 1
• 0
• 1