Stała viadoma, jakoje krutoje pikie zrabiła karjera Ihara Buzoŭskaha
U kastryčniku minułaha hoda stała viadoma, što na pasadu rektara Akademii kiravańnia zamiest Ihara Buzoŭskaha Łukašenka pryznačyŭ Dzianisa Duka. Buzoŭski pierad tym uznačalvaŭ VNU tolki troški bolš za hod, a da taho kiravaŭ BRSM, pracavaŭ na vysokich pasadach u administracyi Łukašenki i va ŭradzie. Ciapier ža vyśvietliłasia, jakoje dalejšaje prymianieńnie znajšli dla daśviedčanaha 53‑hadovaha čynoŭnika.
Jašče 12 sakavika adbyŭsia plenum Biełaruskaha prafsajuza rabotnikaŭ dziaržaŭnych i inšych ustanoŭ, na jakim staršynioj hetaha abjadnańnia adnahałosna vybrali Ihara Buzoŭskaha. Staršynia Fiederacyi prafsajuzaŭ Biełarusi Juryj Siańko, pradstaŭlajučy jaho, nie škadavaŭ kazionnych chvalebnych słoŭ:
«Za čas pracy zarekamiendavaŭ siabie jak piśmienny, usiebakova erudyravany, sučasny kiraŭnik, jaki vałodaje dziełavymi jakaściami i arhanizatarskimi zdolnaściami. Nastojlivy ŭ dasiahnieńni pastaŭlenych metaŭ, pryncypovy ŭ vyrašeńni słužbovych pytańniaŭ. U pracy nie ličycca z asabistym časam, u prafiesijnaj dziejnaści vyłučajecca vysokim uzroŭniem adkaznaści i kampietentnaści. Dla stylu jaho pracy charakternyja paśladoŭnaść, sistemny padychod i inicyjatyŭnaść».
Niahledziačy na nibyta najaŭnaść takich vysokich prafiesijnych jakaściaŭ, pryznačeńnie na hetuju «piensijanierskuju», zusim nie ŭpłyvovuju pasadu vyhladaje dla ŭsiaho tolki 53‑hadovaha Ihara Buzoŭskaha jaŭnym karjernym kracham, uličvajučy tyja vyšyni, na jakija jon zabiraŭsia raniej.
Uradženiec vioski Kašaleva Navahrudskaha rajona paśla zakančeńnia ŭ pačatku 1990‑ch Minskaha vyšejšaha vajskovaha kamandnaha vučylišča krychu pasłužyŭ u vojsku i papracavaŭ u sistemie adukacyi, a paśla pajšoŭ rabić karjeru, zajmajučy spačatku nizavyja pasady ŭ Nacyjanalnaj dziaržaŭnaj teleradyjokampanii i administracyi Łukašenki.
Sapraŭdny jahony ŭźlot pačaŭsia ŭ 2010 hodzie, kali Buzoŭski byŭ abrany pieršym sakratarom CK BRSM i byŭ pryznačany členam Savieta Respubliki. U 2014—2016 hadach zajmaŭ pasadu namieśnika kiraŭnika administracyi Łukašenki, budučy faktyčna hałoŭnym ideołaham krainy. Paśla z 2017 hoda ŭznačalvaŭ administracyju Centralnaha rajona Minska, z 2018 pa 2024 pracavaŭ namieśnikam ministra infarmacyi Biełarusi.
Letam 2024 hoda byŭ pryznačany rektaram Akademii kiravańnia pry Łukašenku, dzie pracavaŭ da vosieni 2025 hoda. I, jak vyhladaje, tam nastolki nie spraviŭsia, što ŭsio raptoŭna skončyłasia ssyłkaj na druhasnuju pasadu ŭ prafsajuzy.
Ciapier čytajuć
Statkievič apublikavaŭ foty ich novaha z Marynaj Adamovič doma3
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
I povtoriał propahandu pro Zapad. Nadiejuś, eto vsio toho stoiło. Na Zapadie nie nado zanimaťja propahandoj i povtoriať jerundu, čtoby imieť dołžnosti vyšie toj, kotoruju on zanimajet siejčas.