U Rasii chłopiec čchnuŭ, zatknuŭšy nos. Jaho daviałosia ratavać daktaram
Daktary padmaskoŭnaha Puškina dapamahli maładomu čałavieku, jaki atrymaŭ redkuju i niebiaśpiečnuju traŭmu paśla taho, jak zacisnuŭ nos padčas čchańnia, paviedamlaje rasijskaje Minzdaroŭja.
Kali chłopcu zachaciełasia čchnuć, jon zakryŭ nos palcami, kab zrabić heta biazhučna. Paśla čaho pačuŭ chrust u vobłaści horła, nieŭzabavie źjaviŭsia aciok šyi. Pry naciskańni šyja adčuvałasia jak «plonka z burbałkami», što zvyčajna śviedčyć pra najaŭnaść pavietra pad skuraj.
U vyniku abśledavańnia ŭ chłopca vyjavili pierałom chrastkovaj častki hartani i emfizemu. Daktary patłumačyli, što praz razryŭ złučeńnia pamiž chrastkami hartani i kolcami trachiei pavietra ź lohkich trapiła ŭ tkanki šyi.
Pacyjent pravioŭ u balnicy kala tydnia, paśla jamu pryznačyli harmanalnuju terapiju i antybijotyki. Taksama chłopcu zabaranili kašlać i čchać u pieryjad lačeńnia.
Miedyki papiaredžvajuć, što sprabavać «utrymlivać» čchańnie, zaciskajučy nos abo rot, niebiaśpiečna. Heta moža pryvieści da traŭmaŭ nosa, vušej, sasudaŭ vačej, a taksama da hałaŭnoha bolu. Rekamiendujecca čchać svabodna, najlepš u zhin łokcia.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary