Sabalenka raskazała, jak dva hady tamu pieražyła śmierć Kanstancina Kalcova
U intervju časopisu Vogue biełaruskaja tenisistka, pieršaja rakietka śvietu Aryna Sabalenka, zhadała pra situacyju sakavika 2024 hoda, kali ŭ Majami, jak miarkujecca, skončyŭ žyćcio samahubstvam jaje były chłopiec, viadomy biełaruski chakieist Kanstancin Kalcoŭ.
Pa słovach Sabalenki, padčas trahiedyi jana znachodziłasia na trenirovačnych kortach u Majami. Navinu joj prynieśli palicyjanty, ale jana admaŭlałasia ŭ jaje vieryć.
«Ja spračałasia z palicyjantam — pa typu, ja nie mahła hetaha pryniać», — zhadvaje jana.
Paśla taho, kab lahčej pieražyć toje, što adbyłosia, jana pasprabavała zahłybicca ŭ svaju hulniu. Užo praź niekalki dzion jana pačała hulać na turniry ŭ Majami, ale prajhrała ŭ trecim raŭndzie ŭkraincy Anhielinie Kalininaj, raźbiŭšy rakietku, abłajaŭšy sudździu i admianiŭšy svaju pres-kanfierencyju.
Chiejtaram, jakija abvinavačvali jaje ŭ zanadta chutkim viartańni na kort, jana adkazvaje.
«Ja nie viedaju, ci jość niejkaje kliše adnosna taho, jak ty musiš smutkavać, — kaža jana. — Mnie zdajecca, što ŭ hetaj situacyi niama pravilnaha i niapravilnaha. Nam usim patrebnyja roznyja rečy. Dla mianie viartańnie da pracy — adziny šlach. Mnie 28 hadoŭ, ale časam mnie zdajecca, što ŭ mianie ŭ žyćci ŭžo było ŭsio, što tolki možna ŭjavić».
Kanstancin Kalcoŭ trahična zahinuŭ 18 sakavika 2024 hoda ŭ Majami. Jon vypaŭ z bałkona hatela St. Regis Bal Harbour Resort. Jamu było 42 hady.
Aryna Sabalenka vychodzić zamuž: pieršaja rakietka śvietu adkazała «tak» brazilskamu biznesmienu
Sabalenka raspaviała, što jana adčuła paśla śmierci Kalcova
Aryna Sabalenka padziakavała prychilnikam za padtrymku ŭ ciažki čas
Sabalenka pra hibiel Kalcova: Choć my bolš nie byli razam, majo serca raźbitaje
Kamientary