Na sajcie Radyjo Svaboda adbyłasia on-łajn-kanferencyja z žurnalistam, hałoŭnym redaktaram internet-prajektu "Salidarnaść" Alaksandram Starykievičam.
Na pytańnie «Jak Vy aceńvajecie Milinkieviča i jaho pavodziny na płoščy Kalinoŭskaha?» Alaksandar Starykievič adkazaŭ nastupnym čynam:
«Toj ispyt palityk Milinkievič pravaliŭ. Ale nie adzin, a razam z usim svaim štabam. Vidavočna, što nichto navat nie raspracoŭvaŭ usurjoz scenar akcyi pratestu paśla vybaraŭ. Jak, zrešty, i naahuł stratehiju vybarčaj kampanii.
Ja dahetul pierakanany, što nia varta było brać udzieł u takich «vybarach». Było b značna cikaviej, kab Milinkievič i Kazulin, skarystaŭšy ŭsie ahitacyjnyja mahčymaści, pierad hałasavańniem źniali svaje kandydatury na znak pratestu suprać šmatlikich parušeńniaŭ zakanadaŭstva.
Mnie mohuć zapiarečyć: u hetym vypadku nie było b Płoščy. Nia zhodny. Na Płošču ludzi pryjšli nie śviatkavać pieramohu Milinkieviča, u jakuju pa ščyraści mała chto vieryŭ, a pratestavać suprać taho farsu, u jaki ŭłada pieratvaryła vybary. Hety fars možna było padkreślić, pakinuŭšy Łukašenku ŭ biuleteniach sam-nasam z Hajdukievičam.
Naturalna, što bajkot vybaraŭ nie vyrašaje ŭsich prablemaŭ. Adnak u toj sytuacyi jon moh prymusić značnuju častku vybarščykaŭ zadumacca, ci sumlennaja takaja pieramoha Łukašenki. A tak bolšaść hramadztva ličyć jaho lehitymnym prezydentam, jaki usich svaich kankurentaŭ pakłaŭ na łapatki adnoj levaj. Heta, badaj, najhoršy vynik z tych, što možna było atrymać».
Poŭny tekst on-łajn kanferencyi
Fota Andreja Lankieviča
